Alaman aıtys

Táýelsizdiktiń mereıli merekesine tartý bolmaq Keshe Astanadaǵy Kon­gress-Holl saraıynda Tá­ýel­sizdiktiń 20 jyldyǵyna ar­nalǵan respýblıkalyq aqyn­dar aıtysy bastaldy. Má­denıet mınıstrliginiń qol­daýymen, «Samuryq-Qa­zyna ulttyq ál-aýqat qo­rynyń» demeýshiligimen ót­kizilip otyr­­ǵan bul sha­ra­nyń maq­saty – mádenıe­ti­mizdiń baǵa jetpes asyl murasy retinde aıtysty ha­lyqqa jan-jaqty nasıhattap, onyń damýyna memlekettik deńgeıde qoldaý kór­setý, bolashaq urpaqqa aı­tys óne­riniń qadir-qasıe­tin uǵyn­dyrý, poezııa arqyly memlekettik tildiń arnasyn ke­ńeı­tip, damytý men nasıhattaý. Aıtysqa elimizdiń bar­lyq aımaqtaryndaǵy dúl­dúl aı­tyskerlermen birge, úlken sah­­­naǵa endi ǵana shy­ǵyp júrgen daryndy aqyn­dar, so­nymen qatar Qytaı, Mońǵo­lııa, Qyr­ǵyzstan el­de­riniń tańdaý­ly aıtysker­leri qa­ty­syp, óz óner­lerin ortaǵa  salýda. Bımen bastalyp, ásem án­men órilgen sahna tórine shyq­­qan aıtystyń júrgi­zýshisi Júrsin Erman: «Qa­zaq jurty­nyń tarıhy azat­tyq jolyn­daǵy kúresterge toly boldy. Babalary­myz­dyń ar­ma­ny oryn­­dalyp, Qa­zaqstan kók baıraǵyn jel­biretip, álemdegi eń aı­týly memleket­terdiń qa­ta­ryna qosylǵaly da, mine, 20 jyl tolyp otyr. Aqyndar aı­tysynyń osy mereke qar­sańynda uıymdas­ty­rylýy tegin emes. О́ıtkeni, sonaý aqta­ban shubyryndy, onyń arǵy-bergi jaǵyndaǵy ótken ýaqyt­tardyń bárinde azat­tyqty, tá­ýelsiz­dikti aqyn­­dardaı jyr­laǵan, aqyn­dar­daı ańsaǵan esh­kim bolǵan emes»  deı kelip, sahna tó­rine shyq­qan 40-tan astam aıtys­kerdi ta­nystyryp ótti. Sodan keıin sóz alǵan kór­nekti qoǵam qaı­ratkeri Myr­zataı Joldasbekov Táýel­sizdik merekesi qar­sańynda óteıin dep otyrǵan  alaman aıtysqa biraz toq­ta­lyp, aıtysker aqyndarǵa  bá­týaly batasyn berdi. Úsh kúnge jalǵasatyn ala­man aıtysqa Myrzataı Joldasbekov bastaǵan tany­mal qo­­ǵam qaıratkerleri – Seıit Qas­qabasov, Asanáli Áshimov, О́mir­­zaq Aıtbaev, Farıza Oń­ǵar­synova, Bekbolat Tileýhan, Nesipbek Aıt­uly qazy­lyq etedi. Berik SADYR, Sýretti túsirgen Orynbaı BALMURAT.