Ultaralyq birlikti saqtaǵan baqytty elde turamyn

Myńjyldyqtar toǵysynda ba­­balar ańsary shyndyqqa aı­nalyp, 20 jyl buryn erkin el atanyp, etek-jeńimizdi tııanaqtap, shekara­myzdy túıindep, bola­shaqqa kóz tiktik. О́tken zamandarda ata-babamyz armandaǵan «Qazaqtyń ulan-ǵaıyr dalasynyń Esil jaǵasyna el qondyrsam, elimdi-jerimdi júz­ge bólinbeıtin elge aınal­dyrsam», degen armanyn Elbasy Nursultan Ábishuly Nazarbaev jan-jaqqa shashyratpaı, 130-dan astam ultty uıyǵan aırandaı birligin bekem etip, memleketimizdi beıbitshilikte basqaryp otyr. Shyndyǵynda, Táýelsizdik al­ǵannan beri qoǵamdaǵy barlyq ulttar men ulystar dinı kelisimde, buzylmas birlikte ómir súrip keledi. О́zge ult dep jatsynbaı, óziniń ulyndaı baýyryna basqan qasıetti qazaq jeri, qadirli to­pyraǵy elimizde turyp jatqan árbir ózge ult ókilderi úshin ottan da ystyq ekeni haq. Qazirgi ýaqytta Qazaqstan Respýblıkasy kemeldi táýelsiz memleketke aınaldy. Qamshynyń sabyndaı qysqa ýaqyt ishinde ǵasyrǵa tatyrlyq tirlik tyn­dyryp, álemdegi birligi jarasqan qýatty elge aınaldy. Táýelsizdik –  elimizdiń barlyq azamattary úshin orny erekshe mereke dep bilemiz, sebebi, osynaý júrekjardy qýa­nyshqa toly kúnde ómir súrip jatqanymyzǵa árbir qazaqstan­dyq azamat qýanýy tıis dep bilemin. Táýelsizdik, eń aldymen, qazaq halqynyń bostandyqqa umtylǵan asqaq armany men qaısar rý­hynyń jemisi. Sondyqtan da biz úshin Táýelsizdik kúni – eń qasterli kún. Osy qýanyshty kúnge jetý úshin talaı qıyndyq­tardy bastan keshirdik. Ata-babamyz armandap ketken táýel­sizdigimizdiń qunyn umyt­paıyq. Táýelsiz Qazaqstanymyzdyń tu­ǵyry bıiktep, egemendigimizdiń irgetasy nyǵaıa tússin. Ǵasyrlar boıy ańsatyp jetken táýel­siz­dikpen kelgen halyq tileýi máń­gilik bolyp, ánuranymyz áýede asqaqtap, eltańbamyzdyń eńsesi bıik bolyp, týymyz kókte sharyqtaı bersin demekpin. Men – Qazaqstan degen tamasha eldiń azamatymyn. Men úshin basqa elge, mysaly, Reseı jerine kóshý esh qıyndyqqa soqpaıdy. Biraq men – qazaqstandyqpyn, men ózimdi basqa jerde, basqa elde elestete almaımyn. Men óte baqyt­ty­myn, óz Otanymyzda ómir súre­min, óz josparlarym men arman­darym Qazaqstanmen ǵana baı­lanysty. Elimizdegi kópulttylyq – Qazaqstan­nyń ereksheligi men artyq­shylyǵy. Men erekshe qurmetpen elim­niń tiline, salt-dástúrlerine qa­raımyn, ómir jolymda Qazaq­stanyma degen mahabbatym máńgilik. Tatıana NOVIKOVA, «Qostanaı oblysy balalar jáne jastar uıymdary qaýymdastyǵy» ZTB tóraǵasynyń mindetin atqarýshy.