«Nur Otannan» basqa partııalar tizimderin áli usynǵan joq

Keshe Ortalyq saılaý komıssııasynyń otyrysy ótip, onda Ortalyq saılaý komıssııasy 1999 jyly qabyldanǵan «Saılaý ýchaskelerindegi, pýnktterindegi daýys berýge arnalǵan úılerdi jabdyqtaý týraly» qaýlyǵa úı-jaılardy daýys berý kúnine daıyndaý tártibin neǵurlym anyq retteý maqsatynda tolyqtyrýlar men ózgerister engizdi. Bul másele jóninde Ortalyq saılaý komıssııasynyń hat­shysy Baqyt Meldeshov habarlama ja­sady. Komıssııa hat­shysynyń habardar etýinshe, engizilgen túze­tý­ler daýys berý jáne daýys­tar­dy sanaý úderisin neǵurlym aı­qynyraq etýdi, saı­laýshylar, baı­qaýshylar, saılaý komıssııa­la­rynyń músheleri men buqara­lyq aqparat qu­ral­darynyń ókil­deri úshin qajetti jaǵdaılardy qamtamasyz etýdi kózdeıdi. Otyrysta, sondaı-aq Or­ta­lyq saılaý komıssııasy Jalpy­ulttyq sosıal-demokratııalyq  par­tııa­sy­nyń Ortalyq saılaý komıssııasy ýchaskelik saılaý ko­mıssııalary quramyna partııa­lar­dyń keńesshi daýys quqyǵy bar ókilderin jiberýi úshin belgilegen merzimderine qatysty ótini­shin de qarady. Komıssııa tóraǵa­synyń oryn­basary Vladımır Foostyń aı­týynsha, Ortalyq saı­laý ko­mıssııasy partııanyń óti­nishine qatysty hattamalyq sheshim qabyldady. Qabyldanǵan sheshimge sáıkes ýchaskelik saılaý komıssııa­lary quramyna partııa­lardyń ke­ńesshi daýys quqyǵy bar ókilderin jiberýi merzimi 2012 jylǵy 15 jeltoqsanǵa deıin uzartylady. Or­talyq saılaý komıssııasy aýmaq­tyq saılaý ko­mıssııalaryna saıa­sı partııa­lar­dyń keńesshi daýys quqyǵy bar ókilderiniń saılaý týraly zań talaptaryna sáıkes­tigin tekserýdi jedel túrde, ıaǵnı 5 kún ishinde ótkizýdi usyndy. Otyrystan keıin ótken BAQ ókilderimen brıfıngte Ortalyq saılaý komıssııasynyń tóraǵasy Qýandyq Turǵanqulov saılaý naýqanynyń barysy týraly habardar etti. Komıssııa tóraǵa­sy­nyń atap ótkenindeı, 30 qa­ra­shada Ortalyq saılaý komıs­sııa­sy­na «Nur Otan» HDP par­tııalyq tizimin usyndy. Qazirgi ýaqytta tizimge engizilgen kan­dı­dattardy, olardyń Konstıtýsııa men saılaý týraly Konstı­týsııa­lyq zań talaptaryna sáıkestigine tekserý rásimi júrgizilip jatyr. Basqa saıası partııalar Ort­saı­laý­komǵa óz tizimderin áli usyn­ǵan joq. Ortsaılaýkom bekitken Kúntizbelik josparǵa sáıkes par­tııalyq tizimder boıynsha saıla­na­tyn Parlament Májilisi de­pý­tat­­tarynyń saılaýynda kandıda­t­attar usyný 5 jeltoqsanda aıaq­talady. Al máslıhattar depýtattary­nyń saılaýyna qazirgi kezde 489 kandıdat usynylǵan. Olardyń 63-i oblystyq máslıhattarǵa, 371-i aýdandyq máslıhattarǵa jáne 55-i qalalyq máslıhattarǵa kandıdat retinde usynylyp otyr. Máslıhattarǵa kandıdattar usyný Qostanaı, Shyǵys Qa­zaqstan, Mańǵystaý jáne Aqmola oblystarynda belsendi júrip jatyr. Saılaý komıssııalary mú­shelerin oqytý jónindegi ju­mystar da jalǵasýda. Qazirgi ýa­qytta ýchaskelik saılaý komıs­sııa­lary múshelerin meılinshe qamtý maqsatynda aýdan deń­ge­ıinde birlesken semınarlar eli­mizdiń barlyq óńirlerinde ótki­zilý ústinde. Komıssııa tóraǵasy brıfıng barysynda 2011 jylǵy 16 qa­ra­sha men 1 jeltoqsan arasyn­d­aǵy kezeńde Ortalyq saılaý ko­mıs­sııasyna túsken ótinishterge de toqtalyp ótti. Qýandyq Tur­­ǵanqulovtyń aıtýynsha, atalǵan kezeń ishinde Ortalyq saılaý komıssııasyna 12 ótinish túsken. Olardyń 8-i saıası partııalardan, 1-eýi máslıhattan, taǵy 3-eýi bu­qaralyq aqparat qural­da­ry men úkimettik emes uıym­dar­dan tús­ken ótinishter. Kelip túsken 11 ótinish saılaý zańna­ma­lary­nyń erejelerin túsindi­rýge qatysty. Olar boıynsha qajetti túsinik­te­meler ýaqy­­tyn­da joldanǵan. Al taǵy bir ótinish Jal­py­ult­tyq sosıal-demokratııalyq par­tııasynan túsken eken. Tór­aǵa­nyń habardar etýinshe, ol Orta­lyq saılaý komıssııasynyń oty­­rysynda qaralatyn bolady. Álısultan QULANBAI.