Eýrazııa kindiginde oryn tepken alyp el – Qazaqstannyń jer asty qoınaýy qanshalyqty baı bolsa, tarıhy da sonshalyqty tereń. Bıyl el Táýelsizdigi 20 jyldyq asýdan asarda qarap baqsaq, ǵasyrǵa bergisiz joldan ótippiz. Ulttyq órleýdiń uly kúshi – Táýelsizdik bizdiń halyqqa uly jeńister ákeldi.
Eń bastysy – egemendik alyp, Táýelsizdik týy tigilgeli Otanǵa, elin basqarǵan Elbasyna degen ystyq sezim, patrıottyq rýhtyń fılosofııalyq tamyry tereńdep, úlken maqtanyshqa ulasty. Bolashaqqa degen senim artty. Osy oraıda álem moıyndaǵan mań dalanyń álemdi moıyndatqan dara tulǵasy retinde Elbasy Nursultan Ábishuly Nazarbaevqa «Halyq Qaharmany» ataǵyn berý týraly sheshimdi urpaqtan urpaqqa jalǵasqan adamgershilik izgi qasıetterdi óskinder boıyna sińirtip, ata-babadan qalǵan mol qazyna, óshpes murany darytyp otyrǵan orta mektep, bilim mekemeleri ujymdary qoldaıdy jáne aq nıet, izgi tilekpen qutty bolsyn aıtady.
Ulttyq rýhanı tárbıe nárimen sýsyndaǵan búgingi urpaq – keleshekti gúldendirip, táýelsiz eldi nyǵaıtýshy urpaq. Osy jolda olar úshin Prezıdent ómiri úlken úlgi-ónege. Iаǵnı, el tarıhyndaǵy Elbasynyń eren eńbegi erkin eldiń erteńi – jas urpaqtyń qashanda jol kórseter baǵdarshamy bolyp qala beretini kúmánsiz. Qaharman halyqtyń dana ulyna berilmek «Halyq Qaharmany» joǵary ataǵy barshańyzǵa qutty bolsyn, aǵaıyn!
Habıba ÁBILOVA, Bilim berý isiniń qurmetti qyzmetkeri.
Pavlodar.