Nursultan Nazarbaev – bir ulttyń, bir memlekettiń taǵdyryn ǵana oılaıtyn jan emes. Álemniń qaýipsizdigine, myna Jer atty planetanyń amandyǵyna, ulttar men ulystardyń taǵdyryna erekshe alańdap, dúnıejúzilik minberlerde óziniń azamattyq pozısııasyn tanytyp keledi.
Patshalyq Reseı, odan keıin Keńes Odaǵy Qazaqstandy óziniń jaman maqsattaryna qatty paıdalanyp keldi. Qazaq dalasy ıadrolyq qarýlardy synaýdyń alańyna aınaldy. Jer jaryqtyq irimtik-irimtik bolyp erip, sol mańaıdaǵy adamdardyń densaýlyǵyna óshpesteı jara saldy. Múgedekter kóbeıdi. Eldiń erteńi bulyńǵyr boldy.
Qazaqstan Táýelsizdik alysymen-aq Elbasymyz ajal búrikken Semeı polıgonynyń oqpanyna sý quıdy, synaq alańyn toqtatty. Tek Qazaqstanda ǵana emes, ıadrolyq qarý synalatyn barlyq memleketterde de osyǵan toqtaý aıtty. Nursultan Nazarbaevtyń bul ıdeıasyn dúnıe júzi halqy qoldap, kóptegen polıgondar jumysyn shektedi.
Ońtústik halqy da ataqty VICh oshaǵy paıda bolǵanda Elbasyǵa dabyl qaǵyp edi. Júzdegen kúnásiz sábıdiń taǵdyryna alańdaǵan Memleket basshysy Shymkentte TMD-da balamasy joq Qan ortalyǵyn salǵyzdy. Búginde halyq erteńi úshin alańdamaıdy. Oblys medısınasynda tolaǵaı jumystar atqarylyp jatyr. Birinshi baılyq – densaýlyq. Qazaqstan azamattary saý-salamat bolý úshin, erteńimiz jarqyn bolýy úshin bar kúsh-jigerin jumsap júrgen Elbasymyzǵa elimizdiń eń joǵary ataǵyn berý týraly sheshimdi Ońtústik halqy qýanyshpen qabyldady. “Jaqsynyń jaqsylyǵyn aıt, nury tasysyn” degen osy shyǵar.
Súndet RAHYMBERDIEV, oblystyq qan ortalyǵynyń dırektory, medısına ǵylymdarynyń kandıdaty, dosent.
Ońtústik Qazaqstan oblysy.