Astana qalasynda «Bala shabyty» halyqaralyq jobasy aıasynda ótken «Bolashaq juldyzdar» baıqaýynda oblys namysyn «Alýa» bı ansambli abyroımen qorǵap, úsh júldege ıe boldy.
Horegraf Anara Sabdınovanyń aıtýynsha baıqaýǵa ansambldiń 22 bıshisi qatysyp, «Zamanaýı bı» atalymynda birinshi, ekinshi oryndardy jeńip alǵan. Al halyq bı nomınasııasy boıynsha bas júldeni ıelengen.
Sábıt Muqanov atyndaǵy qazaq sazdy-drama teatrynyń janynan qurylǵan «Alýa» halyq bı ansambline bıyl 8 jyl tolyp otyr. Osy jyldar ishinde talaı bıik belesterdi baǵyndyryp, has sheberlerge tán óner kórsetip keledi.
«Ansambl Sochı, Máskeý, Qazaqstan qalalarynda ótken baıqaýlarda top jardy. Balǵyn bıshilerimizdiń qadamy qanattandyrady. Olar barlyq synnan súrinbeı ótip júr. Kásibı sheberligimiz ben daıyndyǵymyzdy talaı bedeldi qazylar alqasy joǵary baǵalady», deıdi ansambldiń kórkemdik jetekshisi Janna Temirbaeva.
Kásibı biliktilikterin dáleldegen jas ónerpazdar halyqaralyq Delfıı oıyndaryna joldama aldy.
О́mir ESQALI, «Egemen Qazaqstan»