Danalyqqa ábden laıyq ataq

Prezıdentimiz Nursultan Na­zar­baevqa  «Halyq Qaharmany» ata­ǵyn berý týraly sheshim qa­byl­danǵanyn estip qýandym. Táý­elsiz jas Qazaqstan mem­le­ke­tiniń qurylýy – Nursultan Ábish­­ulynyń eren  eńbeginiń jemisi. Qansha ǵasyr bodandyqta bol­ǵan eldi halqynyń adal perzenti qara nardaı  súırep bos­tandyqqa shyǵardy.  Osydan 20 jyl buryn táýelsizdigin alǵan Qazaqstan óte kúrdeli jaǵdaıda qalǵan edi. Jer kólemi boıynsha álemde toǵy­zynshy oryn alatyn, Mendeleev kestesindegi en baı­lyq túgel  tabylatyn eldiń bar ekeni Reseıdiń kóleńkesinde baıqalmaıtyn. Ekonomıkalyq baılanystar­dyń úzi­lýi sebepti táýelsizdiktiń alǵashqy jyldary óte qıyn boldy.  Josparly ekonomıkanyń ornyna buryn kezdespegen na­ryq­tyń kelýi de aýyr salmaq sal­dy.   «Artyń jalyn, aldyń muz, barar ediń qaı jaqqa», dep uly Abaı  aıt­qandaı, daǵdarǵan  kez edi  sol ýaqyt. Nursultan Nazar­baevtyń dana saıasa­ty­men onyń sońynan ergen tutas el júgi aýmaı, kemesi batpaı dańǵylǵa shyqty. Nursultan Ábishuly aldymen eldiń  tynyshtyǵyna basa mán berdi. El ishinde bereke bolsa ǵana,  aldaǵy maq­sat­tarǵa  adaspaı jetetinimizge  halyqty sendire bildi.  Ekinshiden, ol Táýelsiz jas memlekettiń dúnıe júzindegi azýyn aıǵa bilegen  alpaýyt eldermen teń dá­re­jede ıyq te­ńestirýine, álemge tany­lýyna bar kúshin jumsady.  Qazaq­stanǵa ınvestısııa tartty. Al qazir qandaımyz! Alǵash­qy on jylda moınymyzdaǵy qamy­tymyzdy tastap, boıy­myz­dy tiktedik. Al  sońǵy on jylda  damýdyń jolyna tústik. Ha­lyq­aralyq bedeldi uıymdarǵa  múshe boldyq. Eýropadaǵy qaýipsizdik jáne yntymaqtastyq  uıymyna basshy­lyq­ty abyroımen atqar­dyq. Nursultan aǵa­myzdyń kósh­basshylyǵyn álemdegi bel­gili saıa­satkerler de  moıyndap otyr. Prezıdenttiń halyqaralyq  bedeli elimizdiń de abyroıyn kóterip keledi. Kóshbasshylyq – danalyqpen qatar qoıatyn uǵym. Onshaqty jyl­da Arqanyń tórinde toty qustaı taranyp ósken Astana qa­lasy da  Nursultan Nazar­baev­tyń  bolashaqty boljaıtyn kósh­bas­­shy­lyǵynyń  naqty kórinisi. Nursultan Ábishuly – memlekettik qyzmettiń, memlekettik qyzmetkerdiń qandaı bolýy kerektigin de naqty  kórsetip bergen basshy. Oǵan 2030 strategııa­sy dálel. Sol qujatta  elimizdiń bolashaǵy qolmen qoıǵandaı aı­tylǵan jáne ol birtindep júzege asyp keledi. Mine, budan artyq qandaı kóregendik kerek! Nur­sultan Ábishuly – naǵyz  halyq qaharmany. Sol laıyq ataqty halqy búgin qoldap, qoshtap otyr. Soǵan qýanamyz. Kenjebek ÝKIN, Qostanaı oblystyq ardagerler keńesiniń tóraǵasy.