Oraıyn tapqan oryndy sheshim

Qalaı bolǵanda da bir jataq­ha­nada birge  jatyp, bir orynda birge oqyp,  odan keıinde de taǵdyr taǵy tabys­tyryp, bir ortada  birge eńbek etken  adamnyń janyńa  jaqyndyǵy bólek qoı. Al ol búkil álem moıyn­daǵan áıgili tulǵaǵa aınalsa da ara­daǵy keshegi syılastyq qatynasty saqtaýdan aı­ny­maǵan azamat bolsa, qurmetine shek joqtyǵy shyndyq. 50-shi jyldar aıa­ǵyn­da  árqaısymyz Qazaqstannyń ár túkpirinen alys­ta­ǵy  Dneprodzerjınsk tehnıkalyq ýchı­lıshesinde bas qosyp, mamandyq meńgerip, Temirtaýǵa oral­ǵanda da  jubymyz jazylmaǵan shoǵyr­ly top músheleri Nursultan Nazar­baevtyń  baýyrmaldyqqa, joldastyqqa adal qasıetin jaqsy bilýshi edik, soǵan áli de beriktigi tánti etedi. Kishipeıildilik, qarapaıymdylyq  úlgisi júre­gi­mizdi tolqytyp, mereıimizdi tasy­tady árdaıym. Osy kúnderdegi  qýanyshty oqı­ǵa­lar máni  Qazaqstan Respýblıkasy Parlamenti  Senaty depýtattarynyń Elba­syna «Halyq Qaharmany» ata­ǵyn berýge múmkindik týǵyzatyn tıisti zańdarǵa túzetý engizýimen tipti mártebelene túskendigin biz zor rızalyq sezimmen qarsy aldyq. Bul búkilhalyqtyq tilek edi. Eńbek jo­lyn metallýrg maman­dy­ǵynyń  eń aýyry da qadirlisi gorno­voılyqtan bastap, sol kezdiń ózinde-aq   batyl­dyq, qaırattylyq qasıetterimen ta­nylǵan bolashaq Prezıdentimizdiń  Táýelsizdikke qolymyz jetken shaq­tan el basqarýdaǵy salıqaly, kóre­gen saıa­satynyń jemisi qazir barshaǵa aıan.  Osy ýaqyt aralyǵynda Nursul­tan Ábish­ulyna jas memleketti  bıikke kóterý ońaı bolmaǵanymen, ta­ban­dy­lyq  men talapshyldyq   sony jeńdir­genine  ómirdiń ózi kýá. Jıyr­ma jylda jańaryp-jasarǵan, keleshegi kemel el irgetasyn qalaý, álem­ge tanytý  eren eńbek pen erliktiń  aıqyn kórinisi ekeni daýsyz. Muny baǵalaǵan Senat sheshimi  durys  dep bilemiz. Halqymyzda «Eldi er teńesti­re­di» degen sóz bar. Elimiz irgeli eldermen teńesti. Teńestirgen – Nur­sultan Nazarbaev. Ondaı erge qandaı bıik qurmet te laıyq. Sondyqtan «Halyq Qahar­many» ataǵyn berýge qoldaý kórsetilýi ábden oryndy. Altynbek  ASANOV, ardager metallýrg. Temirtaý.