Ońtústik Koreıa prezıdenti Mýn Chje In Soltústik Koreıa basshysy Kım Chen Ynmen eki eldi bólip turǵan demarkasııa syzyǵynda kezdesip, qol alysyp amandasty.
Budan soń eki el basshysy sýretke túsip, sammıt bastalǵaly jatqan ǵımaratqa bet aldy.
«Ońtústik Koreıa delegasııasy beıbitshilik pen qos koreı eliniń odan ári damýyn jańasha bastaý maqsatynda kelissózder júrgizýge kelip otyr», dep málimdedi Kım Chen Yn. О́z kezeginde sóz alǵan Mýn Chje In qarsy tarapty nátıjeli kelissózderge shaqyrǵan ol, «koreı ulty men ózge adamdarǵa úlken syı tartý etken bolar edik» dep aǵynan jaryldy.
Kım Chen Yn Ońtústik Koreıa jerine 65 jyldan keıin baryp otyrǵan Soltústik Koreıanyń alǵashqy basshysy. Esterińizge sala keteıik, 21 sáýir kúni Soltústik Koreıa Koreı túbegin ıadrolyq qarýdan ada etý maqsatynda Phýngerıdegi ıadrolyq polıgondy jabatynyn málimdegen bolatyn. Sonymen birge kelesi aıda nemese maýsymnyń basynda Ońtústik Koreıa men Soltústik Koreıa basshylary jáne AQSh prezıdenti Donald Tramp qatysatyn sammıt ótpek.