Astanada medısınalyq ýnıversıtet tóńiregindegi daýǵa qatysy bar eki kúdikti anyqtaldy, - dep habarlaıdy KTK telearnasy.
Astana medısınalyq ýnıversıtetinen oqýdan shyǵyp qalǵan stýdentterdiń biriniń aıtýynsha, ýnıversıtet memleket grantyn paıdalanǵany úshin 5 mıllıon teńge qaryzdy moınyna ilip bergen. Biraq ol osy bylyqtyń bárine bilim mekemesiniń ózin aıyptaıdy.
"2017 jyldyń qyrkúıektiń 26-sy kúni dekanattan qońyraý shalyp, IELTS sertıfıkat jalǵan ekenin aıtty. Biraq qujat tapsyrǵan kezde qabyldaý komıssııasy qaıda qarady? Nege sol kezde jalǵan ekenin tekserip, bizge aıtqan joq", deıdi ol.
Rezıdentýra ǵana emes, mıllıondaǵan qaryzdy grantta oqyǵan qalǵan 116 magıstrant pen doktoranttardyń bári de óteý kerek.
"Aı saıyn rezıdentýra, magıstratýra boıynsha bilim alýshylarǵa 61 561 shákirtaqy tólenedi. Doktarantýrada oqıtyn bilim alýshylarǵa 81 998 teńge shákirtaqy tólenedi. Odan bólek, aı saıyn oqýǵa magıstratýraǵa 65 myń teńge, rezıdentýrada 67 myń teńge jáne doktarantýrada 120 myń teńge turady", - deıdi joǵarǵy oqý ornynan keıingi bilim berý dekany Ernar Tursynbet.
Al polısııa bul bylyqqa qatysty eki kúdiktini anyqtapty. Bulardyń arasynda medısınalyq ýnıversıtettiń oqytýshylary da bolýy ábden múmkin. О́ıtkeni, ýnıversıtettiń magıstratýrasyna túsýge kómektesetinderin aıtyp, talapkerlerge ózderi habarlasqan. Al oqý orny basshylary bul jaıttan habary joq ekenin aıtyp otyr. "Bir áıel dep aıtty. Ol qandaı áıel, neǵylǵan áıel? Bireýleri kóshede jolyqtyrdym deıdi, bireýlerine ózderi habarlasqan. Meniń oıymsha, stýdentter bárin ashyp aıtpaı otyr", - deıdi Astana medısınalyq ýnıversıtetiniń rektory Májıt Shaıdarov.
Ázirge Astana qalasynyń Ishki Ister departamenti tergeý qupııalyǵyna baılanysty kúdiktilerdiń esimderin ataǵan joq.
Aıta keteıik, Bilim jáne ǵylym mınıstrligi 117 stýdenttiń jalǵan qujatpen oqýǵa túskenin anyqtaǵan. Olardyń ýnıversıtetke tapsyrǵan aǵylshyn tilinen halyqaralyq IELTS sertıfıkattary jalǵan bolyp shyqqan.