Astanada «Bolashaq baǵy» atty naýqan ótti. «Astana –taza jáne qaýipsiz qala» ekologııalyq aılyǵy aıasynda Pýshkın kóshesiniń boıyndaǵy gúl baǵynda 300 túp shıe kósheti otyrǵyzyldy, dep habarlaıdy elorda ákimdiginiń resmı saıty.
Baıqońyr aýdany ákimdigi men «Halyqaralyq baǵdarlamalar ortalyǵy» AQ-nyń bastamasymen ótken sharaǵa Astana ákimdiginiń ókilderi, qalalyq maslıhattyń depýtattary, qoǵam qaıratkerleri qatysty.
Aýdan ákimi Erlan Kanalımovtyń málimetine súıensek, jalpyqalalyq tazalyq aılyǵynyń sońyna deıin 1000 shıe kósheti otyrǵyzylady dep josparlanýda.
«Aýdan jańa qurylyp jatqandyqtan Halyqaralyq baǵdarlamalar ortalyǵy shıe alleıasyn syılaýdy uıǵaryp, bizge osyndaı usynys túsirgen bolatyn. Biz bul bastamany qoldadyq. Búgin mine, Aqbulaqtyń boıynda 300 shıe kóshetin otyrǵyzyp jatyrmyz. Budan bólek, aldaǵy ýaqytta Táshenov, Pýshkın jáne Aqjol kóshelerinde de aǵash egetin bolamyz. Sondaı-aq, aýla ishindegi aýmaqtarda da abattandyrý jumystaryn júrgizemiz», – dep málimdedi Erlan Kanalımov.
Esterińizge sala keteıik, jalpyqalalyq «Astana – taza jáne qaýipsiz qala» ekologııalyq aılyǵy 12 mamyrǵa deıin jalǵasady.