Jas jigit tanys qyzynyń úıine qonaqqa baryp, onyń aqshasyn urlap ketken. Sol oqıǵaǵa baılanysty sot otyrysy aıaqtaldy.
Anyqtalǵan mámiletke sensek, «shyǵasyǵa ıesi basshy» bolǵan. Qyz tanys jigitin úıine shaqyrady. Boıjetken qonaǵyn kútýdiń qamymen júrgende erkinsigen jigit onyń paltosyn tintip, 5 myń dollardy qaltasyna basyp alady. Qunyǵyp ketken jigit munymen toqtamaı qol súmkesinen 25 myń teńge alyp, taıyp turady.
Búginde qylmystyq is tolyq aıaqtaldy.
«Aıyptalýshy óziniń kinásin tolyǵymen moıyndady. Jábirlenýshige keltirgen shyǵyndy tolyq ótegenin jáne keshirim alǵanyn jetkizdi. Osyǵan baılanysty QR Qylmystyq kodeksiniń 63-babyna sáıkes 4 jyl bas bostandyǵynan aıyrý jazasy shartty dep sanaldy. Oǵan synaq merzimi taǵaıyndaldy»,- deıdi Qyzylorda qalasy №2 sotynyń sýdıasy Ańsat Sultanbekov.
Keshirim alǵan jigit atqarýshy organdar belgilengen jerde 100 saǵat májbúrli jumys isteýge mindetti. Jumysqa barýǵa bas tartsa qylmystyq jazaǵa qaıta tartylady.