Mereıtoılyq marka shyqty

Keshe Baılanys jáne aqparat mınıstrliginde el Táýelsiz­di­gi­niń 20 jyldyq merekesine arnalǵan mereıtoılyq poshta mar­ka­syn aınalymǵa engizýdiń saltanatty rásimi boldy. Oǵan Baı­lanys jáne aqparat mınıstri Asqar Jumaǵalıev pen «Qaz­posh­ta» AQ basqarma tóraǵasy Arken Arystanov qatysty. «Mereıtoılar, umytylmas jáne meıram kúnderi» serııa­sy­nyń kórkem markasy Táýel­siz­digimizdiń 20 jyldyǵyna ar­nal­ǵan. Markada mereıtoıdy merekeleý logotıpi beınelengen. Ataýly baǵasy – 32 teńge, kólemi 28 h 30 mm., ta­ra­lymy – 30 000 dana. Sondaı-aq mar­kalardyń shetki ádipteri ta­raq­talyp, tórt tústi boıaýmen jáne ofsettik tásilmen basylǵan. Al bir paraqtaǵy marka sany – 10 dana. Bezendirgen N. Sokolov. «Qazposhta» AQ elimiz ta­rıhyn álemniń eki júzden asa elin­de taratylatyn poshta mar­kalarynda beınelep kórsetýde. Memleketimizdiń mereıtoıyn merekeleý qarsańynda ulttyq poshta operatory elordada ótken EQYU sammıti men Eýrazııalyq ekonomıkalyq qaýymdastyqtyń (EýrAzEQ), EýrAzEQ Keden odaǵynyń 10 jyldyǵyna, Shanhaı yntymaqtastyq uıymynyń (ShYU) qurylýy men elimizdiń osy uıymǵa tóraǵalyq etkenine 10 jyl tolýy syndy ózge de aıtýly merekelerge arnaıy markalar shyǵarǵan-dy. El Táý­elsizdiginiń 20 jyldyǵyna ar­nalǵan markalar japsyrylǵan konvertter poshta bólimshelerine túsip, respýblıkaǵa jáne elimizden tys jerlerge jiberilýde. Ulttyq poshta operatory Ota­nymyzdyń memlekettigi men tutastyǵyn jáne ekonomıkasyn damytýǵa zor úles qosyp keledi. Sonymen birge «Qazposhta» búginde poshta, logıstıka jáne qarjy qyzmetteriniń keń aýqym­dy túrlerin kórsetetin kóp at­qarymdy kásiporyn bolyp ta­bylady. Ábdirahman QYDYRBEK.