Jaqynda Yqylas atyndaǵy halyq mýzykalyq aspaptar mýzeıinde Qurmanǵazy Saǵyrbaıulynyń Astrahan oblysynyń Altynjar aýylynda ornalasqan «Qurmanǵazy atyndaǵy mádenı ortalyq» qorynda saqtalǵan dombyrasynyń kóshirmesi men Qurmanǵazynyń tól shákirti Erǵalı Esjanovtyń dombyrasy resmı túrde mýzeıge qabyldandy. Onymen qosa «Qurmanǵazy dombyrasy – mýzeı sahnasynda» atty úshkúndik kórmege Atyraý oblystyq tarıhı-ólketaný mýzeıi qoryndaǵy Qurmanǵazynyń dara aýyz myltyǵy men shákirti Dına Nurpeıisovanyń belbeýi qoıyldy.
Kúı keshinde Qurmanǵazy atyndaǵy akademııalyq halyq aspaptar orkestriniń dombyrashylar quramy men jeke oryndaýda Qajybek Bekbosynov, Batyrjan Myqtybaev, Ásel Alına, Rahat Sársenov, Asylbek Ahatov, Edige Nábıuly óner kórsetti.
Kelýshilerdiń kúmbirlegen kúıden bólek nazaryn aýdarǵan taǵy bir nárse Dına apamyzdyń aıryqsha qasterleıtin kúmis kisesi boldy. Kúmis, jez úzbelermen salǵan jalpaq bylǵary belbeýler. Ol eki qabat etip tigilgen. Eki basyna qapsyrma salyp, keıde bir ushyna ótkizip bekitetin tesikteri bar. Kisede belbeýge ilip, ótkizip qoıatyn bylǵary qalta jasalady. HIH ǵasyrdan bastap qazaqtardyń turmys saltynyń ózgerýine baılanysty kiseniń túri de ózgerdi.Oǵan qalta salmaı, kúmispen kemerlenetin bolǵan. Mýzeıge ótkizilgen Dına kúıshiniń kezinde qoldanylǵan kúmis kisesi osy eken.
Saparbaı PARMANQUL, «Egemen Qazaqstan»
ALMATY