Astanada 750 adamǵa arnalǵan ekomeshit ashyldy.
Yryskeldi qajy meshitiniń ashylaý saltanatynda sóz sóılegen Din ister jáne azamattyq qoǵam mınsıtri Darhan Káletaev qalaǵa kýltty nysandardyń qajet ekenin aıta kele, jańa meshittiń stıli erekshe ekenin atap ótti. "Jańa meshittiń eń basty ereksheligi - jasyl tehnologııa. Meshit kún sáýlesi arqyly jumys isteıdi, ózin-ózi jaryqpen qamtyp, qalaǵa da elektroenergııasyn bere alady. Ol ózin-ózi tolyqtaı qamtamasyz etedi", - dedi mınıstr. Onyń aıtýynsha, meshit dızaıny din qaǵıdalaryn buzbaıdy. Zamanaýı stılde salynǵan meshit ulttyq naqyshtaǵy oıý-órnektermen bezendirilip, ozyq úlgidegi quraldarmen jabdyqtalǵan.
Aıta ketý kerek, Qazaqstanda 2600 meshit bar, al jańa meshit Astanada toǵyzynshysy. Meshit kúmbeziniń dıametri - 26 metr. Meshit ǵımaratynyń jalpy alańy 2248 sharshy metr. Meshit ornalasqan jerdiń kólemi - 1,44 gektar. Meshit aýlasyna jylý-jaryq kózin paıdalaný maqsatynda kúnnen energııa alatyn qondyrǵylar ornatylǵan. Bul qondyrǵylar meshittiń jylý-jaryǵyna paıdalanatyn mólsherden úsh ese kóp qosymsha energııa qýatyn óndiredi.