Astana qalasy men Aqmola jáne Qyzylorda oblystary boıynsha eskertý jarııalandy, dep habarlaıdy «Qazgıdromet» RMK.
27 mamyrda Aqmola oblysynyń birqatar aımaqtarynda qar men jańbyr jaýady dep kútilýde. Túnde jáne tań ata birqatar aımaqtarǵa tuman túsedi. Keı jerlerde naızaǵaı oınap, burshaq jaýýy da yqtımal. Soltústikten, soltústik-shyǵystan sekýndyna 15-20 metr, keı jerlerde 23-28 metr jyldamdyqpen jel soǵady.
Túnde aýa temperatýrasy 0-5 gradýs jyly, keı jerlerde 3 gradýs aıaz, kúndiz 6-11, keı jerlerde 14 gradýs jyly. Astanada 27 mamyrda tań ata jáne kúndiz qar, jaýyn jaýady dep kútilýde. Sondaı-aq jel kúsheıip, burshaq jaýady. Soltústikten jáne soltústik-shyǵystan sekýndyna 15-20 metr jel soǵady, ekpini 25 metrge jetedi. Aýa temperatýrasy 3-5 gradýs jyly, kúndiz 6-8 gradýs nólden joǵary. 27 mamyrda Qyzylorda oblysynyń birqatar aımaqtarynda soltústikten jáne soltústik-shyǵystan jyldamdyǵy sekýndyna 20-25 gradýs jel soǵady, ekpini 30 metr bolady. Naızaǵaı oınap, shańdy daýyl kóterilip, burshaq jaýýy yqtımal.