Túlekterge kýálik tabystaldy

Tyńdaýshylar «Saıası kósh­basshylyq» jáne «Saıa­sı-partııalyq menedjment» baǵyttary boıynsha bilim aldy. Sharaǵa partııa Tóraǵasynyń bi­rinshi orynbasary Máýlen Áshim­baev, «Nazarbaev Ýnıversıteti» DBBU-nyń prezıdenti Shıgeo Katsý jáne Qazaqstan Prezıdenti janyndaǵy Memlekettik basqarý akademııasynyń vıse-rektory Altaır Ahmetov qatysty.

«Nur Otan» partııasy Saıa­sı keńesiniń sońǵy keńeı­til­gen otyrysynda Elbasy N.Na­zar­baev partııa aldyna jańa min­detter qoıyp, birqatar tap­syr­ma bergen bolatyn. Onyń qa­tarynda partııalyq bilim berý isin jetildirip, kadr­lyq rezervti jandandyrý bas­ta­masy da bar. Bastama nátıje­sinde partııanyń Saıası menedj­ment mektebi negizinde Saıası me­nedjment akademııasy qury­lyp, akademııa bilim berýdiń jańa for­matyna kóshti. Mine, búgin ja­ńa baǵdarlamamen qaıta daıar­laýdan ótken partııa kadr­larynyń alǵashqy tobyna kýá­lik tabystaımyz. Alǵashqy tyń­daýshylarymyz bolǵandyqtan, osy mamandarǵa artylatyn úmit pen kútiletin nátıje joǵary», dedi sharany ashqan Saıası menedj­ment akademııasynyń dırektory Janar Boqanova. 

Akademııanyń alǵashqy tú­lek­terin quttyqtaǵan Máý­len Áshim­baev óz kezeginde bul bastamanyń mánisi zor ekenine toqtaldy. Biz partııa kadrlarynyń biliktiligin arttyrýǵa baǵyttalǵan jańa baǵdarlamany aıaqtap jatqan árip­testerimizben kezdesip otyr­myz. 145 adam qatysqan úlken irik­teýden ótip, qaıta daıarlaý boıynsha jańa zamanǵa laıyqty bilim alǵan partııa qyzmetkerleri oqytý barysynda alǵan bilimi men mashyqtaryn bolashaqta óz qyzmetinde keńinen qoldanady degen oıdamyz, dedi ol. Partııa qyzmetin jańǵyrtýǵa tek jańa jobalar, saraptamalyq áleýetti arttyrý ǵana emes, sonymen birge bilikti kadr daıarlaý máselesi de jatady. Osyǵan oraı Elbasy zamanaýı bilimmen qarýlanǵan partııa kadrlaryn daıyndaýdy tapsyrǵan bolatyn. Búgingi shara – sonyń alǵashqy naqty nátıjesi. Bizdiń maqsatymyz – zamanaýı ınnovasııalyq tehnologııalar men sapaly bilimge arqa súıep jumys isteıtin nur­otandyqtardyń bilikti, kásibı býynyn qalyptastyrý. Búgingi tyń bastamany sondaı mańyzdy joldaǵy serpindi qadam dep qa­byldaýymyz kerek.

Odan bólek, partııa Tór­aǵa­synyń birinshi orynbasary par­tııalyq bilim berýdiń jańa baǵdarlamasyn júzege asyrýda qoldaý kórsetip, yntymaqtastyq tanytqan Nazarbaev Ýnıver­sı­teti men Memlekettik basqa­rý akademııasynyń basshyly­ǵyna jáne barlyq lektorǵa al­ǵysyn bildirdi. Al «Nazar­baev Ýnıversıteti» DBBU prezı­denti Shıgeo Katsý men Qa­zaq­stan Pre­zıdenti janyndaǵy Mem­lekettik basqarý akademııa­synyń vıse-rektory Altaır Ah­metov túlekterdi oqýdy tabys­ty aıaq­taǵan 50 akademııa tyń­daý­shy­sy­na arnaıy kýálikterin tabys etti.

Bolashaqta tyńdaýshylar par­tııalyq kadr­lyq rezervke usy­nylyp, par­tııalyq elıtanyń ja­ńa quramyn jasaqtaýǵa qaty­sýǵa múmkindik alady. Son­daı-aq akademııa tú­lekteri mem­le­kettik organdarǵa laýazymdy qyzmetterge usy­ny­latyn bolady.

Venera TÚGELBAI, «Egemen Qazaqstan»