Atyraý ekologteri «Promekologııa» JShS-nyń áreketine tekserý júrgizdi. Buǵan jeke tulǵanyń atalǵan kompanııaǵa qatysty shaǵymy sebep bolǵan, dep habarlaıdy Egemen.kz.
Oblystyq ekologııa departamenti baspasóz qyzmetiniń aqparatyna qaraǵanda, atalǵan kompanııanyń nysany Mahambet aýdanynda ornalasqan.
Atyraý ekologteri tabıǵatty lastaýshylarǵa 2,3 trln aıyppul saldy
«Departament qyzmetkerleri jeke tulǵanyń aryzy negizinde «Promekologııa» JShS-ǵa jospardan tys tekserý júrgizdi. Tekserý kezinde kompanııanyń Mahambet aýdanynyń Beıbarys aýyldyq okrýginde ornalasqan nysany aýmaǵyndaǵy topyraqta maıǵa uqsas suıyqtyqtyń bar ekeni, naqtysynda jer telimi munaı ónimderimen lastanǵany anyqtaldy. Atalǵan nysanda qaldyqtardyń jınaqtalǵany belgili boldy. Osyǵan oraı joǵaryda kórsetilgen zań buzýshylyqtarǵa baılanysty Ákimshilik quqyq buzýshlyq týraly kodeksine sáıkes ákimshilik ister qozǵaldy. Kompanııaǵa jalpy kólemi 2 380 913 teńgeniń aıyppuly salynyp, óndirildi», dep habarlady departamenttiń baspasóz qyzmeti.
Atyraý ekologteri munaı óńdeý zaýytyn áli tekserip jatyr