Memleket basshysy Nursultan Nazarbaev qol qoıǵan arhıv máseleleri týraly zańnamaǵa túzetýler arhıv mekemeleriniń qyzmetterin keńeıtý, onyń ishinde genealogııalyq jáne taqyryptyq suraýlar, arhıvtik qujattardyń depozıtarıılik saqtalýy jáne t.b. sııaqty qyzmetterdi keńeıtý baǵytynda úlken ıgilikterge bastaý bolmaq.
Atap aıtqanda, ol – biryńǵaı normatıvtik aktilerde qaǵaz jáne elektrondyq qujattardy jobalaý men saqtaýǵa qoıylatyn talaptardy biriktirý, sondaı-aq qoǵamdyq ómirdiń barlyq salalarynda qujattamalyq qoldaýdyń jańa aqparattyq nysandaryn engizý jáne elektrondyq qujat aınalymyna tolyq kóshý.
Osy oraıda Mádenıet jáne sport mınıstrliginiń bastamasymen memlekettik organdarda elektrondy qujat aınalymynyń biryńǵaı jáne qujat aınalym júıesinde qalyptasqan qujattardy elektrondy qujattar qoımasyna kóshirý jumystary júrgizilýde. Elektrondy qujat aınalymynyń biryńǵaı júıesi qujattardy saqtaýdyń qupııalylyǵyn jáne kirý quqyǵyn shekteýdi qamtamasyz etedi, sondaı-aq qujatty paıdalaný tarıhyn, izdeýdiń yńǵaılylyǵy men jyldamdyǵyn baqylaıdy.
Arhıv isi salasyndaǵy zańnamany jetildirýge baǵyttalǵan «Qazaqstan Respýblıkasynyń keıbir zańnamalyq aktilerine arhıv máseleleri boıynsha ózgerister men tolyqtyrýlar engizý týraly» Zańymen qabyldanǵan ózgerister men tolyqtyrýlar elektrondyq júıe qujattardy elektrondyq túrge aınaldyrýǵa, oǵan qoljetimdilikti qamtamasyz etýge jáne elektrondyq arhıvti basqarýǵa múmkindik beredi.
Elektrondy arhıvtiń negizgi mindeti – elimizdiń Ulttyq arhıv qoryndaǵy qujattardy jınaqtaý, tizimge alý, saqtaý jáne paıdalaný syndy arhıv qyzmetiniń negizgi baǵyttaryn aqparattandyrý.
Arhıvter qoǵamnyń rýhanı, mádenı, ǵylymı, áleýmettik-quqyqtyq qajettilikterin qanaǵattandyrý maqsatynda eldiń tarıhı-mádenı qujattyq muralaryn saqtaıdy. Arhıv qyzmetiniń negizgi baǵyty halyqtyń qujattyq esteligin saqtaý bolyp tabylady, bul el azamattaryna retrospektıvti qujattamalyq aqparatty ońtaıly túrde alýǵa múmkindik beredi. Búginde elimizdiń Ulttyq arhıvine memlekettik saqtaýǵa qundy qujattar qabyldanýda, olardy sıfrlyq nysanǵa kóshirý jumystary júrgizilýde. Asa qundy qujattardyń saqtaý qoryn qurý úshin mıkrofılmdeý tehnologııasy qoldanylady.
Qazirde elimizde Memleket basshysynyń tapsyrmasymen «Sıfrly Qazaqstan» memlekettik baǵdarlamasy júzege asyp jatqany anyq. Baǵdarlamanyń negizgi baǵyttarynyń biri – sıfrlyq ekojúıeni údemeli damytý arqyly qajet málimetterdi elektrondy túrde paıdalanyp, ómir súrý sapasyn jeńildetý. Osy oraıda arhıvtegi málimetterge qol jetkizý isi de ýaqyt talabyna beıimdelip keledi.
Jangeldi MAHAShOV, Qazaqstan Respýblıkasy Ulttyq arhıviniń dırektory