Almatyda sıfrly jýrnalıstıkanyń múmkindikteri talqylandy

Forýmnyń uıymdastyrýshylary Almaty qalasy ákimi apparatynyń «Qoǵamdyq kelisim» KMM jáne Alma­ty qalasy etnomádenı birles­tikter janyndaǵy jastar qanaty bolyp tabylady.

Forýmda Elbasynyń «Bolashaqqa baǵdar: rýhanı jańǵarý» baǵdar­lamalyq maqalasy aıasynda sıfr­ly jýrnalıstıkanyń múmkin­dik­teri talqylandy. Forýmdy ash­qan Qazaq­stan uıǵyr jastar oda­ǵy­nyń tór­aǵasy, QHA múshesi R.A.Kaıryev jańa tehnologııalar kezeńi­niń múm­kindikteri turǵysynda bir­qa­tar my­sal­­dardy ortaǵa saldy. Alma­ty qalasy QHA tóraǵasynyń oryn­­basary K.Mamsýrov elimizdiń sıfr­ly júıege kóshýdegi jobalarynda jas­tarǵa úlken jaýapkershilik júkte­le­tinin aıta kele, aldyńǵy býyn jańa tehnologııalardyń jetistikterin jastardan úırenedi degen pikirin bildirdi.

Al ál-Farabı atyndaǵy QazUÝ IýNESKO, halyqaralyq jýrnalıs­tıka jáne qoǵamdyq medıa kafedra­synyń meńgerýshisi, professor N.Shyńǵysova jýrnalıstıkanyń qoǵamdy saýyqtyrýdaǵy, elimizdiń bedelin kóterýdegi róliniń joǵary eken­digin búgingi tańda qaýipti maman­dyqtar qataryna engendigin aıta kele aqparattyq qaýipsizdik, jýrnalıstiń quqyǵy, sıfrly formatqa kóshýdegi jańa múmkindikter týraly oıyn ortaǵa saldy.

Al Dostyq úıiniń dırektory J.Shaımuhanbetova QHA jastar belsendiligi týrasynda sóz qozǵap, «Jarasym joly» jastar qozǵa­lysy­nyń jumysyna toqtalyp, sıfrly júıege kóshýdegi jastardyń bastamalaryna sát-sapar tiledi.

Almaty qalasy boıynsha «Jań­ǵyrý joly» jastar qozǵalysy­nyń tór­aǵasy, saıasatker I.Kýraev «Memle­ketti sıfrlandyrý: múmkindikteri men bolashaǵy» taqyrybynda baıandama jasap, qazaqstandyq jastar jańa zamannyń úılestirýshisi dep atap kórsetti. Iаǵnı sıfrly júıege kóshýde elimizdiń alys aımaqtary men ortalyqtaryn baılanystyrýdaǵy negizgi kópir bolyp tabylatyn jastar qaýymy jyldam, zerek, qaǵilezdik basymdyqtaryna ıe bolý arqyly eli­mizdiń osy baǵyttaǵy úderisteriniń belsendi qatysýshylary bolyp tabylatyndyǵyn jetkizdi.

QKHP uıymdastyrý partııa sektorynyń meńgerýshisi A.Áýelbekov «Qaza­q­stan Respýblıkasyndaǵy sıfr­ly tehnologııalardyń damýy» taqy­ry­byndaǵy baıandamasynda elektron­dy úkimettiń múmkindikteri, sıfr­ly júıedegi jańashyldyqtar týraly derekter keltirdi.

Almaty qalasy ákimi apparatynyń «Qoǵamdyq kelisim» KMM dırektory J.Murynova «Jańǵyrý joly», «Jarasym» jastar qozǵalysynyń kez kelgen jobalaryna qoldaý bildire­tin­digin aıtyp, jastardyń jaýapker­shiligi joǵary dep atap kórsetti.

Forým aıasynda R.Kaıryev jas jýr­nalısterge arnalǵan «Zharasym magazine» jańa elektron­dy jýr­naldy tanystyrdy. Uıymdas­tyrý­shylardyń pikirinshe, jańa jýrnaldyń múmkindikteri zor. Qazaq tilin meńgerýde de, latyn qarpin ıgerýde de dáneker basylym bolyp tabylady.

Elvıra SERIKQYZY, «Egemen Qazaqstan»

ALMATY