Semeı qalasynda «Beıbitshilik álemi» Halyqaralyq Qazaq Tvorchestvolyq birlestigi Shákárim Qudaıberdiulynyń 160 jyldyq mereıtoıyna arnap «Baqytym, Halqym meniń!» atty ónerli balalar festıvalin uıymdastyrdy.
Festıvalge «Shyǵys» áskerı óńirlik qolbasshylyǵynyń 10810 áskerı bólimi qyzmetshileriniń 40 baladan quralǵan «Áıgerim» bı toby qatysty.
Festıval barysynda úzdik óner kórsetkeni úshin «Áıgerim» bı toby «Ulttyq bı» janry boıynsha bas júldeni jeńip aldy. Jeńimpaz búldirshinderimiz endi Birikken Arab Ámirliginiń Dýbaı qalasynda Halyqaralyq «DUBAI World of Peace» forýmynda uıymdastyrylatyn óner festıvaline qatysýǵa joldama aldy.
Bı tobynyń jetekshisi kishi serjant Áıgerim Omarbekqyzy «Mádenıet maıtalmany» medalimen marapattaldy.
Raýshan NUǴMANBEKOVA