Osydan bir jyl ýaqyt buryn Taldyqorǵandaǵy penzenthanada dúnıe esigin ashqan sábı muqym Qazaq eliniń qýanyshyn eselegen bolatyn. Sóıtip jetisýlyq jas muǵalimder Samat pen Dıananyń shańyraǵyn shattyqqa bólegen bóbek Qazaqstannyń 18 mıllıonynshy turǵyny retinde tirkeldi. Bul aqjoltaı habar álemdi sharlaǵan edi.
Bestibaevtar áýleti otbasyndaǵy ekinshi balaǵa Mýslıma degen ádemi at qoıyp, el aǵalarynan bata alǵan...
Mýslıma jaqynda 1 jasqa toldy. Aıaǵyn apyl-tapyl basqan sábıdiń tusaýyn kesip, baba dástúrimen yrymyn jasaǵan Samat pen Dıana el nazaryndaǵy qyzdarynyń jelekteı jaıqalyp, erkelep ósip jatqanyn aıtady. Mýslımany týǵan kúnimen arnaıy quttyqtap barǵan Taldyqorǵan qalasy ákiminiń orynbasary Márlen Kólbaev baldyrǵannyń tusaýyn kesý qurmetine ıe bolǵan eken. Márlen de elge syıly, ónegeli áke. Jaqynda onyń otbasynda segizinshi balasy dúnıege kelgen-di. Mýslımaǵa bazarlyǵyn usynǵan ákimniń orynbasary sábıdiń denine saýlyq tilep, jergilikti bılik tarapynan Qazaqstannyń 18 mıllıonynshy turǵynyna erekshe qamqorlyq kórsetiletinin jetkizdi. Aıtpaqshy byltyr oblys ákimi Amandyq Batalov jas otbasyna 3 bólmeli páter beretinin aıtqan edi. Ýáde oryndalyp, qazir Mýslıma sý jańa úıde ósip jatyr.
Mýslıma baldyrǵandardyń merekesi – Balalardy qorǵaý kúnin bıyl ekinshi ret qarsy alyp otyr. Byltyrǵydan bıylǵy meıram qyzyqty bolatyn túri bar. О́ıtkeni ol qazir óz aıaǵymen júrip, oń-solyn tanyp qaldy. Merekeńmen, Mýslıma!
Qalmahanbet MUQAMETQALI, «Egemen Qazaqstan»
Almaty oblysy