О́tken aptada Qyzylorda oblysy Jańaqorǵan aýdanynda menıngokokty ınfeksııany juqtyrýdyń alǵashqy jaǵdaıy tirkelgen edi. 1991 jyly týǵan azamat dereý aýrýhanaǵa jatqyzylyp, emdeý sharalary bastalyp ketken bolatyn. Alaıda, dárigerlerdiń eńbegi esh ketip, naýqas jansaqtaý bóliminde kóz jumdy, dep habarlaıdy QazAqparat.
Qazir dárigerler ınfeksııanyń turǵyndar arasynda tarap ketpeýi úshin aldyn - alý jumystaryn júrgizip jatyr.
«Marqummen tyǵyz qarym - qatynasta bolǵan 15 adamnyń saraptama nátıjeleri teris shyqty. Eshqaısysynan menıngıt anyqtalǵan joq. Barlyǵy úılerine qaıtaryldy. Degenmen, aldaǵy ýaqytta dárigerlerdiń baqylaýynda bolady. Arnaıy qurylǵan shtab jumysyn jalǵastyryp jatyr. Aýdandyq aýrýhana qyzmetkerleri úı-úılerdi aralap, nasıhat sharalaryn atqarýda», - dep málimdedi Qyzylorda oblystyq densaýlyq saqtaý basqarmasynyń baspasóz hatshysy Nurjamal Tursynbaeva.
Sanaýly kúnderden keıin qyzylordalyq dárigerler ekpe jumystaryn bastamaq. Respýblıkadan arnaıy dári-dármekterdiń jetkiziledi dep kútilýde.
Aıta ketý kerek, marqumnyń qandaı jaǵdaıda ınfeksııany juqtyrǵany belgisiz. Ol ózge oblystarǵa barmaǵan.