Iýlııa Pýtınseva – shırek fınalda

Fransııa ashyq chempıonatyna Pýtınsevadan bólek, Qazaqstan quramasynan Mıhaıl Kýkýshkın, Aleksandr Ne­­do­vesov, Aleksandr Býblık já­ne Zarına Dıas óz baqtaryn sy­­naý úshin Fransııa kortyna shyqqan bolatyn. Alaıda atal­ǵan tennısshilerimizdiń joly bol­maı, qarsylastarynan jeńi­lip qalady. Qazaqstandyq ten­nıs­­shilerden tek Iýlııa Pýtı­n­seva ǵana jarysty ári qaraı jal­ǵastyrýǵa múmkindik aldy.

Jeksenbi kúngi jarys kú­nin­­de Pýtınseva (álemniń 98-ra­­ketkasy) júlde qory 38 mıl­­lıon eýrony quraıtyn ja­rys­­tyń tórtinshi aınalymy­na shy­ǵyp, «Rolan Garros» týr­nı­rindegi óziniń úzdik nátı­je­sin qaıtalady. Bir jarym saǵatqa jal­ǵas­qan úshinshi aı­na­lymda che­hııalyq Bar­bora Stry­so­vany (álemniń 26-raketkasy) jeńdi. Bul kezdesýde Iýlııa qarsylasyna qaraǵanda saý­atty oıyn kórsetip, jeńiske áb­den laıyq ekenin kórsetti. Kezdesýdiń birinshi setinde otan­dasymyz 6:4, ekinshi sette 6:3 ese­bimen esh qıyndyqsyz basym tústi. Bul eki tennısshiniń óza­ra úshinshi ret kezdesýi. Bu­ǵan deıin Iýlııa Pýtınseva pen Barbora Strysova eki ret kez­desip, chehııalyqtyń jeńi­si­men aıaqtalǵan-dy.

Iýlııa Pýtınseva matchtan keıin oıyn týraly óz pikirin aıt­ty. «Nege ekeni belgisiz, áı­teý­ir Parıjde únemi jolym bol­­ǵysh. Sondaı-aq maǵan bul qa­la qosymsha kúsh be­re­di. Birneshe týrnırde jyl­da­­m­dyǵym jetispeı jeńi­lip qa­­lyp jatatynmyn. Osy jol­ǵy týrnırge fızıkalyq múm­kin­­digimdi arttyryp, tyń­ǵy­lyq­ty daıyndyqpen kel­dim», deı­di ol.

Bir qyzyǵy, Iýlııa Pýtı­n­­seva shırek fınalǵa deıin «Ro­l­and Garros» týrnırinde ózi­­nen reıtıngi joǵary ten­nıs­shilerdi qoǵadaı japyryp keledi. Mysaly, aldymen álem­niń 10-raketkasy aǵylshyn Djoanna Kontany, keıin ame­rı­kalyq Bredı (86), qytaılyq Van Sıandy (85) utty. Tórtinshi aına­lymda cheh Barbora Stry­sovadan (26) eki sette basym tús­ti. Tipti Pýtınsevnyń shı­rek fınaldaǵy qarsylasy da reıtıng jaǵynan joǵary tur. Amerıkalyq tennısshi Me­dıson Kız álemniń 16-raketa­sy sa­nala­dy. Sonymen qatar ol 2017 jylǵy US Open týr­nıri­niń fınalyna deıin jetken.

Aıta keteıik, osy jarystyń shırek fınalyna shyqqany úshin otan­dasymyz da reıtıngtegi jaǵ­daıyn birshama jaqsartyp al­dy. Eger, Iýlııa Pýtınseva Kız­di jeńetin bolsa, TOP-50 ten­nıs­shiniń qataryna kiredi. Fran­sııa ashyq chempıonaty 10 maý­symda aıaqtalady.

Álı BITО́RE, «Egemen Qazaqstan»