Bul týraly búgin Almaty qalasy óńirlik kommýnıkasııalar qyzmetiniń alańynda Almaty qalasynyń memlekettik eńbek ınspeksııasy jáne kóshi-qon basqarmasynyń basshysy Talǵat Razaqov baıandady.
2017 jyly jumys berýshiler tarapynan jumyskerlerge qatysty eńbek zańnamasynyń buzylýy boıynsha 3498 ótinish qaralǵan.
Eńbek zańnamasynyń normalaryn saqtaý boıynsha memlekettik baqylaýdy júzege asyrý kezinde azamattardyń eńbek quqyqtaryn qorǵaýǵa baǵyttalǵan 827 tekserý júrgizildi.
Almaty qalasynyń memlekettik eńbek ınspeksııasy jáne kóshi-qon basqarmasynyń basshysy tekserýler barysynda 960 zańbuzýshylyq anyqtalyp, ony joıý úshin 483 nusqaýlyq shyǵarylǵanyn atady.
Eńbek zańnamasynyń normalaryn buzǵany úshin 331 laýazymdy jáne zańdy tulǵalar 58,2 mln. teńge somasynda (sonyń ishinde jalaqyny ýaqytynda tólemegeni úshin, 227 zańdy tulǵa ákimshilik jaýapkershilikke tartyldy, 45 mln. teńge, eńbek kelisim-shartynsyz jumysqa qabyldap, eńbek demalysyn bermegeni úshin 7,9 mln. teńge mólsherinde 43 aıyppul salý, óndiristegi qaıǵyly oqıǵalardy jasyryp, óndiris barysyndaǵy qaıǵyly oqıǵalardy tergemegeni úshin 4,8 mln. teńgege 18 aıyppul, bos jumys oryndary týraly jumyspen qamtý ortalyqtaryna esep bermegeni úshin 499 myń teńge 20 aıyppul salynyp, 23 eskertý berildi).
Kórsetilgen aıyppuldardyń somasynan 43,6 mln. teńgege 264 aıyppul jınaldy, bul 74,9%. Almaty qalasyndaǵy Jeke sot oryndaýshylarynyń О́ńirlik Palatasyna 14,3 mln. teńgege 64 ákimshilik aıyppul tapsyryldy, bul mindetti túrde 24,6% quraıdy. (sotta 408 420 teńge aıyppul 3 aıyppul joıyldy).
2017 jyly memlekettik eńbek ınspektorlarynyń tapsyrmasy boıynsha jalaqy boıynsha bereshek 302 kásiporynǵa 442 mln. teńge somasynda tólendi. Osylaısha, 2 389 qyzmetkerdiń konstıtýsııalyq jáne eńbek quqyǵy qorǵalǵan.
2017 jyly qalanyń kásiporyndarynda 127 ónerkásiptik jazataıym oqıǵalar boldy (2016 jyly osy kezeńde, 127). Zardap shekken jumysshylardyń sany 134 adamdy qurady (2016 - 128 adam), sonyń ishinde 17 adam qaıtys boldy (2016 - 13 adam), 41 adam aýyr jaraqat aldy (2016 - 35 adam), 76 adam jeńil dárejedegi jaraqattar aldy (2016 - 80 adam).
Kásiptik jazataıym oqıǵalar boıynsha 72 arnaıy tekserý júrgizildi. 1000 qyzmetkerge (CZ) keltirilgen jaraqat mólsherlemesi - 0,15% (2016-0,24%), 1000 qyzmetkerge shaqqandaǵy ólim nátıjesi - 0,021% (2016-0,02%) boldy.
2017 jylǵy kórsetilgen kezeńde, Basqarma tarapynan Qazaqstan Respýblıkasy Eńbek kodeksiniń 197 babyna sáıkes, qala qurylysy ýchaskelerine 23 tekseris uıymdastyryldy, oǵan sáıkes jumys berýshilerge quqyq buzýshylyqtardy joıý týraly (ákimshilik is qozǵamaı) nusqaýlar berildi, – dedi basqarma basshysy.
Aınash ESALI, «Egemen Qazaqstan»