2011 jylǵy 8 jeltoqsan, Astana, Úkimet Úıi
Telekommýnıkasııalar jelileriniń ózara is-qımyl jasaýynyń jáne olardy ortalyqtan basqarýdyń biryńǵaı qaǵıdalaryn bekitý týraly
«Baılanys týraly» Qazaqstan Respýblıkasynyń 2004 jylǵy 5 shildedegi Zańynyń 21-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Telekommýnıkasııalar jelileriniń ózara is-qımyl jasaýynyń jáne olardy ortalyqtan basqarýdyń biryńǵaı qaǵıdalary bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 8 jeltoqsandaǵy №1499 qaýlysymen bekitilgen
Telekommýnıkasııalar jelileriniń ózara is-qımyl jasaýynyń jáne
olardy ortalyqtan basqarýdyń biryńǵaı qaǵıdalary
1. Jalpy erejeler
1. Osy Telekommýnıkasııalar jelileriniń ózara is-qımyl jasaýynyń jáne olardy ortalyqtan basqarýdyń biryńǵaı qaǵıdalary (budan ári – Qaǵıdalar) «Baılanys týraly» Qazaqstan Respýblıkasynyń 2004 jylǵy
5 shildedegi Zańynyń 21-babyna (budan ári – «Baılanys týraly» Zań) sáıkes ázirlendi jáne telekommýnıkasııalar jelileriniń ózara is-qımyl jasaý jáne olardy ortalyqtan basqarý tártibin aıqyndaıdy.
2. Osy Qaǵıdalar arnaıy maqsattaǵy telekommýnıkasııa jelilerin qospaǵanda, Qazaqstan Respýblıkasynyń biryńǵaı telekommýnıkasııa jelisin quraıtyn jelilerge qoldanylady.
3. Osy Qaǵıdalarda mynadaı anyqtamalar paıdalanylady:
1) telekommýnıkasııa jelilerin ortalyqtan basqarý júıesi – basqarýshy tehnologııalyq parametrlerdi qalyptastyrý jáne olardyń atqarylýyn baqylaý jónindegi uıymdyq-tehnıkalyq is-sharalar kesheni (budan ári – TJOB júıesi);
2) ýákiletti memlekettik organdar – osy Qaǵıdalardyń 1-qosymshasynda kórsetilgen memlekettik organdar;
3) TJOB júıesine qatysýshylar – baılanys salasyndaǵy ýákiletti organ, baılanys operatorlary, baılanys salasyndaǵy ýákiletti organ belgilegen ýákiletti uıym (budan ári – ýákiletti uıym);
4) sheteldik baılanys operatorlary – Qazaqstan Respýblıkasynan tys baılanys qyzmetterin kórsetetin jeke nemese zańdy tulǵalar;
5) túıisý núktesi – qalaaralyq jáne (nemese) halyqaralyq telefon baılanysy operatorlarynyń kólik jelilerinde halyqaralyq qosylysty uıymdastyrý úshin qyzmet atqaratyn shekara mańyndaǵy jelilik torap.
2. Telekommýnıkasııa jelileriniń ózara is-qımyl jasaý jáne olardy ortalyqtan basqarý tártibi
4. Trafıkti ótkizýdi jáne ózara esep aıyrysý tártibin qosa alǵanda, telekommýnıkasııa jelileriniń qosylýy men ózara is-qımyl jasaýy Qazaqstan Respýblıkasynyń Úkimeti belgileıtin tártippen júzege asyrylady.
5. Qazaqstan Respýblıkasynda telekommýnıkasııa jelilerin ortalyqtan basqarýdy baılanys salasyndaǵy ýákiletti organ «Baılanys týraly» Zańǵa sáıkes jáne myna:
1) halyqaralyq baılanys jelilerinde telekommýnıkasııa jelileri trafıginiń aǵymdaǵy jaǵdaıy týraly aqparatty jınaqtaý jáne taldaý;
2) baılanys quraldary tulǵanyń, qoǵamnyń jáne memlekettiń múddesine nuqsan keltiretin qylmystyq maqsatta paıdalanylǵan jaǵdaıda sottardyń baılanys jelilerindegi jedel-izdestirý qyzmetin júzege asyratyn organdardyń kez kelgen jeliler men baılanys quraldarynyń qyzmetin toqtata turý týraly sheshimderiniń oryndalýyn qamtamasyz etý;
3) ýákiletti memlekettik organdardy basym paıdalaný, sondaı-aq tabıǵı jáne tehnogendi sıpattaǵy tótenshe jaǵdaılar bolǵan kezde kez kelgen jeliler men baılanys quraldarynyń (úkimettik baılanystan basqa) qyzmetin toqtata turý quqyǵymen qamtamasyz etý maqsatynda júzege asyrady.
6. Qalaaralyq jáne (nemese) halyqaralyq telefon baılanysy qyzmetterin usynýǵa lısenzııasy joq operatorlar sheteldik operatorlarmen trafık almasýdy Qazaqstan Respýblıkasynyń qalaaralyq jáne (nemese) halyqaralyq baılanys operatorlary arqyly ǵana júzege asyrady.
7. Qalaaralyq jáne (nemese) halyqaralyq telefon baılanysy qyzmetterin usynýǵa lısenzııasy bar baılanys operatorlary sheteldik operatorlarmen trafık almasýdy TJOB júıesi arqyly júzege asyrady.
8. TJOB júıesin tehnıkalyq súıemeldeýdi ýákiletti uıym júzege asyrady jáne ol TJOB júıesiniń jumys isteýin qamtamasyz etýdi, ony jańǵyrtýdy jáne odan ári damytýdy qamtıdy.
9. Baılanys operatorlary ózderiniń telekommýnıkasııa jelilerin ortalyqtan basqarý ortalyqtaryn TJOB júıesimen ıntegrasııalaýdy qamtamasyz etedi.
10. Qalaaralyq jáne (nemese) halyqaralyq telefon baılanysy operatorlarynyń telekommýnıkasııa jelilerin TJOB júıesine qosý telekommýnıkasııa jelileriniń jumys isteýin, ornyqtylyǵyn jáne aqparattyq qaýipsizdigin uıymdyq-tehnıkalyq qamtamasyz etý sharalaryn kózdeıtin jáne baılanys salasyndaǵy ýákiletti organmen kelisilgen baılanys operatory men ýákiletti uıym arasyndaǵy eki taraptyń kelisimderi negizinde júzege asyrylady.
11. Baılanys operatorlarynyń sheteldik baılanys operatorlarymen ózara is-qımyl jasaýy baılanys operatorynyń halyqaralyq trafıgi TJOB júıesi arqyly ótken jáne túıisý núkteleri tirkelgen jaǵdaıda júzege asyrylady.
12. Baılanys operatorlary osy Qaǵıdalardyń 13-tarmaǵyna sáıkes sheteldik baılanys operatorlarynyń telekommýnıkasııa jelilerimen jumys istep turǵan túıisý núktelerin tirkeýdi qamtamasyz etedi.
13. Túıisý núktelerin tirkeý úshin baılanys operatorlary baılanys salasyndaǵy ýákiletti organǵa osy Qaǵıdalardyń 2-qosymshasyna sáıkes nysan boıynsha habarlama joldaıdy.
14. Baılanys operatorlary ózderiniń óndiristik paıdalanýǵa jańadan engiziletin túıisý núkteleri týraly habarlamany sheteldik baılanys operatorlarynyń telekommýnıkasııa jelilerimen fızıkalyq qosylystyń josparlanǵan ornatylýyna deıin keminde 30 kúntizbelik kún qalǵanda beredi.
15. Osy Qaǵıdalardyń 14-tarmaǵynda kórsetilgen merzim ishinde ýákiletti uıym baılanys operatorynyń qajettiligine saı keletin kólemde halyqaralyq trafıkti TJOB júıesi arqyly ótkizý úshin tehnıkalyq sharttardy daıyndaý men olardyń iske asyrylýyn qamtamasyz etedi.
16. Ýákiletti uıymnyń shet elderdiń telekommýnıkasııa jelilerin basqarý ortalyqtarymen ózara is-qımyl jasaýy baılanys salasyndaǵy ýákiletti organmen kelisilgen ekijaqty kelisimder negizinde júzege asyrylady.
17. Tabıǵı jáne tehnogendik sıpattaǵy tótenshe jaǵdaılar bolǵan jáne baılanys salasyndaǵy ýákiletti organnyń nemese baılanys jelilerinde jedel-izdestirý qyzmetin júzege asyratyn organdardyń nemese ýákiletti memlekettik organdardyń atyna sottyń kez kelgen baılanys jelileri men quraldarynyń (úkimettik baılanystan basqa) qyzmetin toqtata turý týraly sheshimderi kelip túsken jaǵdaıda baılanys salasyndaǵy ýákiletti organ olardy oryndaý úshin dereý ýákiletti uıymǵa jiberedi.
18. Jelilerdiń jáne baılanys quraldarynyń qyzmetin toqtata turý týraly sheshimdi alǵan kezde ýákiletti uıym tez arada osy sheshimniń oryndalýyn qamtamasyz etedi jáne baılanys operatorlaryna onyń oryndalýyn qamtamasyz etýdiń paıdalanylatyn tehnologııalyq parametrleri týraly habarlaıdy.
19. Kórsetilgen sheshimniń oryndalýyn baqylaýdy júzege asyrý úshin baılanys operatory óziniń telekommýnıkasııa jelisiniń basqarý ortalyǵyna baılanys salasyndaǵy ýákiletti organnyń jeke qol jetkizýin qamtamasyz etedi.
20. Jelilerdiń jáne baılanys quraldarynyń qyzmetin qalpyna keltirý sottyń nemese baılanys jelilerinde jedel-izdestirý qyzmetin júzege asyratyn organdardyń nemese ýákiletti memlekettik organdardyń tıisti sheshiminiń negizinde júzege asyrylady. Baılanys salasyndaǵy ýákiletti organ kórsetilgen sheshimderdi oryndaý úshin tez arada ýákiletti uıymǵa joldaıdy.
21. Jelilerdiń jáne baılanys quraldarynyń qyzmetin qalpyna keltirý týraly sheshimdi alǵan kezde ýákiletti uıym dereý osy sheshimniń oryndalýyn qamtamasyz etedi jáne onyń oryndalýyn qamtamasyz etýdiń paıdalanylatyn tehnologııalyq parametrleri týraly baılanys operatorlaryna habarlaıdy.
Telekommýnıkasııalar jelileriniń ózara is-qımyl jasaýynyń jáne olardy ortalyqtan basqarýdyń
biryńǵaı qaǵıdalaryna 1-qosymsha
Memlekettik organdardyń tizbesi
1. Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (Qarjy polısııasy)
2. Qazaqstan Respýblıkasy Tabıǵı monopolııalardy retteý agenttigi (Monopolııaǵa qarsy agenttik)
3. Qazaqstan Respýblıkasy Jer resýrstaryn basqarý agenttigi
4. Qazaqstan Respýblıkasy Ulttyq qaýipsizdik komıteti
5. Qazaqstan Respýblıkasy Eńbek jáne halyqty áleýmettik qorǵaý mınıstrligi
6. Qazaqstan Respýblıkasy Ishki ister mınıstrligi
7. Qazaqstan Respýblıkasy Densaýlyq saqtaý mınıstrligi
8. Qazaqstan Respýblıkasy Indýstrııa jáne jańa tehnologııalar mınıstrligi
9. Qazaqstan Respýblıkasy Syrtqy ister mınıstrligi
10. Qazaqstan Respýblıkasy Mádenıet mınıstrligi
11. Qazaqstan Respýblıkasy Munaı jáne gaz mınıstrligi
12. Qazaqstan Respýblıkasy Qorǵanys mınıstrligi
13. Qazaqstan Respýblıkasy Bilim jáne ǵylym mınıstrligi
14. Qazaqstan Respýblıkasy Qorshaǵan ortany qorǵaý mınıstrligi
15. Qazaqstan Respýblıkasy Tótenshe jaǵdaılar mınıstrligi
16. Qazaqstan Respýblıkasy Baılanys jáne aqparat mınıstrligi
17. Qazaqstan Respýblıkasy Aýyl sharýashylyǵy mınıstrligi
18. Qazaqstan Respýblıkasy Kólik jáne kommýnıkasııa mınıstrligi
19. Qazaqstan Respýblıkasy Qarjy mınıstrligi
20. Qazaqstan Respýblıkasy Ekonomıkalyq damý jáne saýda mınıstrligi.
21. Qazaqstan Respýblıkasy Ádilet mınıstrligi
22. Qazaqstan Respýblıkasy Prızıdentiniń Kúzet qyzmeti
23. Qazaqstan Respýblıkasy «Syrbar» syrtqy barlaý qyzmeti
Telekommýnıkasııalar jelileriniń ózara is-qımyl jasaýynyń jáne
olardy ortalyqtan basqarýdyń biryńǵaı qaǵıdalaryna 2-qosymsha
KIMGE: Qazaqstan Respýblıkasy Baılanys jáne aqparat mınıstrligi
Sheteldik baılanys operatorlarymen túıisýdi tirkeýge
HABARLAMA
____________________________________________________________________________
(ótinish berýshiniń ataýy nemese ótinish berýshiniń T.A.Á.)
keıinnen_____________________________________________________________________
(sheteldik baılanys operatorynyń ataýy)
sheteldik baılanys operatorymen trafık almasýdy júzege asyrý úshin
____________________________________________________________________________
(túıisýdiń geografııalyq koordınatalary, parametrleri, derekteri)
túıisýdi tirkeýdi júrgizýdi suraıdy
____________________________
(qoly, kúni) M.O.