Qyrǵyzstannyń Batken oblysyndaǵy Leılek aýdanynda tótenshe jaǵdaı jarııalandy. Bul týraly TJM baspasóz qyzmeti málim etti, dep habarlaıdy Kabar.
Derekterge qaraǵanda, 9 maýsym kúni shamamen 16:15-te qatty nóser jańbyr jaýyp, Leılek, Katran, Sýmbýla, Toǵyz-Bulaq, Aqsý aýyldyq okrýgterin sý basqan. Tabıǵattyń tosyn minezinen 13 turǵyn úı, 1 balabaqsha, 67 sharbaq zaqymdanǵan, sondaı-aq avtojoldar men ırrıgasııa arnalary da zalal shekken. Apat saldaryn joıý jumystary júrip jatyr. Aýdanda tótenshe jaǵdaı jarııalandy.