Sapaly bilim alý men tárbıeleý úrdisin uıymdastyrý maqsatynda zamanaýı jabdyqtarmen qamtamasyz etilgen «Arystan» lıseıi seksen sarbazdy áskerı salaǵa baǵyttady.
Segizinshi synyptan keıin lıseı tabaldyryǵyn attap, úsh jyl boıy tárbıe-taǵylym alǵan ulandar endi bilimderin Qazaqstannyń Qarýly Kúshteri qatarynda jetildirip, otan qorǵaıtyn bolady.
Merekelik shara dástúr boıynsha lıseı týyn saltanatty túrde alyp shyǵýmen bastaldy.Tý ustaýshy top quramyn zapastaǵy kapıtan A.Sadyqov bastap, 11-synyptyń úzdikteri D.Bahtııarov, J. Beken, A.Raıymbekov lıseı Týyn orkestrdiń saltanatty sherýimen bıikte jelbiretti.
Túlekterdi quttyqtaǵan «Arystan» mamandandyrylǵan lıseıiniń bastyǵy, Áskerı ǵylymdar akademııasynyń tolyq múshesi, zapastaǵy general-maıor S.S.Taýlanov «Erjúrek, ultjandy azamat bolý úshin tereń bilim men myqty tárbıe qajet. Memlekettiń bolashaqta tizginin ustaıtyn parasatty urpaq retinde asar asýlaryńyz bıik, armandaryń aıqyn, qadamdaryńyz nyq, ómirlik joldaryńyz aq bolsyn!» degen tilegin bildirip, lıseı shákirtteriniń bilimde jáne sporttaǵy úzdik jetistikteri týraly baıandady.
On birinshi synyp túlekteriniń onynshy synyp oqýshylaryna tý tapsyrý rásimi lıseıdegi kezekti dástúrli shara. Lıseı týy – ar, abyroı, erliktiń nyshany. Ol árbir ulandy Otanyna adal qyzmet etýge, erlikpen qorǵaýǵa shaqyryp turǵandaı. Dástúrli tý tapsyrý saltanatynan keıin «Arystan» mamandandyrylǵan lıseıi bastyǵynyń tárbıe isi jónindegi orynbasary, zapastaǵy polkovnık V.A.Raıhel túlekterdi quttyqtady.
Endigi kezekte bitirýshi túlekter úshin qýanyshty sát – attest jáne tósbelgi tapsyrý rásimi. Lıseı túlekteriniń mektep bitirý keshine Qamqorshylar Keńesiniń tóraǵasy T.A.Qulybaev arnaıy kelip, túlekterge quttyqtaý lebizin arnady. «Altyn belgi» ıegerleri G.Glamdýn, D.Salaýatov, S.Ońǵarbaevqa orta mektepti bitirý týraly attestattaryn saltanatty túrde tabys etti.
Merekelik sharaǵa Qorǵanys mınıstriniń orynbasary general-leıtenant T.S.Muhtarov, áskerı joǵary oqý oryndarynyń basshylary – Qurlyq áskerleriniń Áskerı ınstıtýtynyń bastyǵy polkovnık S.D.Asanov, Radıoelektronıka jáne baılanys áskerı-ınjenerlik ınstıtýtynyń bastyǵy polkovnık A.D.Mustabekov, desanttyq shabýyldaý áskerleriniń qolbasshysy K.S.Qaraqulov, áýe shabýylyna qarsy qorǵanys áskerleriniń qolbasshysy Qarýly Kúshteri áýe qorǵanysy kúshteriniń general-maıory S.B.Ismaılov jáne QR Qarýly Kúshteriniń ardagerleri, t.b. qatysty.
Lıseı keshinde ata-analar da qatysyp, quttyqtaý lebizderin bildirdi. Saltanatty kesh túlekter daıyndaǵan konserttik qoıylymdar men áskerı-sporttyq oqý-jattyǵýlarmen jalǵasyn tapty.
A.Esenǵojaeva,
«Arystan» lıseıiniń oqytýshysy
ALMATY