«7-20-25» baǵdarlamasynyń jobasy ázirlendi. Endi ol jaqyn arada QR Ulttyq bankiniń resmı ınternet-resýrsynda jarııalanady. Bul týraly Ulttyq bank tóraǵasy Danııar Aqyshev málimdedi.
Onyń aıtýynsha, baǵdarlama 2018 jyldyń ekinshi jartyjyldyǵynda jumysyn bastaıdy. Ulttyq bank tarapynan qajetti ınfraqurylym qurylyp, jańa ıpotekalyq baǵdarlamanyń operatory qyzmet etedi. Osy oraıda «Baspana» ıpotekalyq uıymy» AQ enshiles uıymy da jumys istep jatyr.
«Bul kompanııa oblıgasııalar shyǵarady jáne tartylǵan qarajat esebinen bankterden 1 trln teńgege deıingi kólemde qaryzdardy satyp alady. Qazirgi ýaqytta uıym ózara is-qımyl jasaýdyń tehnıkalyq máselelerin is júzinde iske asyrýdy talqylaý úshin banktermen tyǵyz ózara is-qımyl jasaýda», - dedi D.Aqyshev.
Ulttyq bank tóraǵasy buryn-sońdy bolmaǵan talaptardy usynyp otyryp Baǵdarlamany áleýetti qaryz alýshylar eshbir jaǵdaıda memlekettiń óteýsiz kómegi retinde qabyldamaýǵa tıis dedi. «Qaryz alýshylar tarapynan da, bankter tarapynan da tólem qabiletiniń bolýy jáne ádil naryqtyq qaǵıdattardy qatań saqtaý jańa ıpotekalyq Baǵdarlamanyń negizi bolady. Qaryz alýshyda 20% mólsherindegi bastapqy jarnanyń bolýy - baǵdarlamadaǵy basty talap. Sondaı-aq, áleýetti qaryz alýshylardyń mundaı jarnany bankke berýi olarǵa alynatyn qaryzdyń eń az mólsherin qamtamasyz etetinin, demek qaryz boıynsha paıyzdyq shyǵystar da az bolatynyn túsingeni mańyzdy», - dedi Aqyshev.