Aqtaý qalasynda «Memlekettik qyzmetshi kúni» jáne «Memlekettik qyzmet organdarynyń 20 jyldyǵyna» arnalǵan saltanatty shara atalyp ótildi.
О́ńirde memlekettik qyzmetshilerdiń naqty sany - 2830 adam. Onyń ishinde áıel adam sany - 1659 nemese 58,6%. Al, memlekettik qyzmetshilerdiń 90%-nyń joǵarǵy bilimi bar. Mańǵystaýdaǵy memlekettik qyzmetshilerdiń ortasha jasy – 37,6 jas.
Jyl basynan beri Mańǵystaý oblysynda jergilikti atqarýshy organdardyń memlekettik qyzmetshilerine jalaqy shkalasyn engizý úshin pılottyq joba júzege asyryldy. Memlekettik qyzmetshilerdi merıtokratııa qaǵıdaty boıynsha qaıta daıarlaý, biliktiligin arttyrý jáne mansaptyq jetildirý úshin barlyq jaǵdaılar jasaldy. Búgingi kúni shtat sany 93,3% quraıdy. Qazaqstan Respýblıkasynyń zańnamasyn bilý úshin testileýge qatysýǵa nıet bildirýshilerdiń sany aldyńǵy jylmen salystyrǵanda 2,5 ese ósken.
Alǵashqy bolyp sóz alǵan Mańǵystaý oblysynyń ákimi Eraly Toǵjanov, táýelsiz elimizdegi jasampazdyq jobalardy, baıandy baǵdarlamalardy júzege asyrý jolyndaǵy jumystardyń eń alǵy shebi men jaýapty ýchaskelerinde eńbek etip jatqan memlekettik qyzmetshilerdiń eńbegi orasan ekendigin atap ótti. Sanaly ómirin memlekettik qyzmetke arnap, onyń damýyna zor úles qosqan ardagerler de, bul saladaǵy qyzmetin jańadan bastap kele jatqan, erteńinen zor úmit kúttiretin jastar da barshylyq ekendigin atap ótti.
Bıylǵy jyly aımaq tarıhynda tuńǵysh ret memlekettik organdardyń eki ókili Baýyrjan Tuıaqov pen Ramır Alekperov «Qazaqstan Respýblıkasynyń úzdik azamattyq qyzmetshisi» respýblıkalyq baıqaýynyń jeńimpazy atandy. Oblystyq jarystyń jeńimpazdary Amanǵalı Nurdáýlet pen Renat Shamýhanov alǵys hattarmen marapattaldy. Sondaı-aq, memlekettik qyzmetshilerge Mańǵystaý oblysynyń ákiminiń dıplomdary tabys etildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy