«Qazgıdromet» RMK shilde aıyna arnalǵan aýa raıy boljamyn jarııalady.
Aıdyń basynda Qazaqstannyń batys bóliginde ystyq (+35+43°S) ári qurǵaq aýa raıy saqtalady. Degenmen, Qazaqstannyń ózge óńirlerinde soltústik-batys aýa aǵynyna baılanysty qysqa merzimdi jaýyn-shashyn saqtalady, jeldiń jıi-jıi soǵýy múmkin.
Kelesi aptanyń ortasynda respýblıkanyń batysyna qaraı jyljyǵan birshama ylǵaldy ári jańa aýa aǵyny aýa temperatýrasynyń azdap tómendeýine septigin tıgizedi. Qazaqstan aýmaǵynyń qalǵan bóliginde kúnniń ysýyna baılanysty naǵyz jazǵy aýa raıy ornap, aýa temperatýrasy soltústik oblystarda +28+35°S, ońtústik óńirlerde +35+43°S tóńireginde bolady.
Shildeniń ekinshi onkúndiginiń basynda soltústik óńirlerdegi belsendi sıklonnyń yqpalyna baılanysty, kún jaýyn-shashyndy bolyp, aýa temperatýrasy klımattyq normadan tómendeýi yqtımal. Aıdyń ekinshi jartysynda eldiń bastysynda negizinen ystyq ári qurǵaq, al shyǵysta salqyndaý, jańbyrly aýa raıy baıqalady. Qoryty aıtqanda, Batys Qazaqstan, Atyraý, Mańǵystaý, Aqtóbe jáne Qostanaı oblystarynda shilde aıyndaǵy ortasha aýa temperatýrasy klımattyq normadan 1...2°S joǵary, al respýblıkanyń qalǵan oblystarynda normaǵa jýyq bolady.
Batys Qazaqstan, Atyraý, Mańǵystaý, Aqtóbe, Qostanaı, Qyzylorda jáne Túrkistan oblystarynda jaýyn-shashynnyń aılyq mólsheri klımattyq normadan az, al basqa óńirlerde normaǵa jýyq bolady. Aıta keteıik, aýa raıynyń konsýltatıvtik boljamyna sınoptıkalyq jaǵdaıdyń ózgerýine baılanysty, túzetý engizilip otyrýy múmkin.