Memleket basshysy Japonııanyń Premer-Mınıstri Sındzo Abege kóńil aıtý jedelhatyn joldady, dep habarlaıdy Aqordanyń baspasóz qyzmeti.
Nursultan Nazarbaev Japonııadaǵy nóser jańbyr men laı kóshkini saldarynan kóptegen adamnyń qaza bolǵany týraly habardy zor kúızelispen qabyldady.
«Tabıǵı apat saldarynan jaqyndaryn joǵaltqan jáne zardap shekken otbasylardyń, sondaı-aq búkil Japonııa halqynyń qaıǵysyna ortaqtasyp, kóńil aıtamyn», – delingen jedelhatta.
Memleket basshysy Qazaqstan halqynyń osyndaı aýyr sátte Japonııa halqymen birge ekenin jetkizip, zardap shekkenderdiń tezirek saýyǵyp, otbasylaryna oralýyna tilektestik bildirdi.