«Qazaq ádebıeti» gazetiniń bas redaktory belgili jýrnalıst, aqyn Janarbek Áshimjan respýblıkalyq «Ana tili» gazetiniń basshysy bolyp taǵaıyndaldy. Al «Qazaq ádebıeti» gazetiniń bas redaktorlyǵyna «Abaı-aqparat» Qazaqstan ınternet keńistigin damytý qory» qoǵamdyq qorynyń prezıdenti, jazýshy Dáýren Qýat keldi.
J.Áshimjan ár jyldary qalalyq «Almaty aqshamy» gazetinde, «Qazaqstan» jýrnalynda, respýblıkalyq «Jas Alash» gazetinde qyzmet etken. 2005–2008 jyldary respýblıkalyq «Jas qazaq» ulttyq aptalyǵynda bas redaktordyń orynbasary bolyp, 2008 jyldan bastap Qazaqstan Jazýshylar odaǵyna qarasty «Juldyz», «Prostor», «Syn» jýrnaldary men «Qazaq ádebıeti» gazetterin biriktirgen «QalamgerMedıa» ortalyǵynyń dırektory qyzmetin atqardy.
D.Qýat respýblıkalyq «Halyq keńesi», halyqaralyq «Qazaq eli», respýblıkalyq «Jas Alash» gazetterinde tilshilik qyzmet atqardy. 2004-2007 jyldary respýblıkalyq «Altyn orda» gazetinde, 2008-2009 jyldary respýblıkalyq «Jas qazaq» gazetinde, keıingi jyldary «Abai.kz» aqparattyq portalynda bas redaktor laýazymynda boldy.
«Egemen-aqparat»