Qostanaıda bokstan aǵaıyndy Oral men Qorǵan Áıtenovterdi eske túsirýge arnalǵan halyqaralyq týrnır aıaqtaldy. Bul jarysta Qyrǵyzstan, О́zbekstan, Reseı, Túrkimenstan jáne Qazaqstannyń birqatar aımaqtarynan kelgen jas órender baq synady.
10 salmaq dárejesi boıynsha ótken básekede myna bylǵary qolǵap sheberleri jeńis tuǵyrynyń eń bıik satylaryna kóterildi: 49 kılo – Sanjar Kúreńbaev (Pavlodar), 52 kılo – Nursultan Nurıdenov (Batys Qazaqstan), 56 kılo – Nursultan Isahan (Astana), 60 kılo – Sultan Mýsınov (Aqmola), 64 kılo – Arman Saılaý (Túrkistan), 69 kılo – Aqjol Ábdihan (Mańǵystaý), 75 kılo – Djozef Okaro (Soltústik Qazaqstan), 81 kılo – Qýanysh Keýlimjaev (Aqtóbe), 91 kılo – Tımýr Mýhamedzıanov (Reseı) jáne +91 kg Oıaz Máýlenov (Qostanaı).
Jarys qorytyndysy boıynsha Aqmola oblysynyń tastúlegi Sultan Mýsınov eń úzdik boksshy bolyp tanylsa, túrkimenstandyq Shúkir Ovezov pen qaraǵandylyq Azat Jańbyrbaı «Jeńiske degen jigeri» jáne «Kórermender kózaıymy» syılyqtaryn ıelendi.
Ǵalym SÚLEIMEN,
«Egemen Qazaqstan»