Áskerı ómirdiń qyr-syrymen tanysty

Is-sharaǵa «Aıbyn» res­pýb­lıkalyq áskerı-patrıottyq jas­tar jıynynyń jetekshisi, «Jas sarbaz» áskerı-patrıot­tyq qoǵamdyq qozǵalysy respýb­lıkalyq shtabynyń tóraǵasy, Qazaqstan Qarýly Kúshteri Bas shtaby bastyǵynyń orynbasary, general-maıor Muhamedjan Tala­sov, Qaraǵandy oblysynyń áki­mi Erlan Qoshanov jáne sha­qy­rylǵan ardagerler qatysty.

– Biz barshamyz koman­da­lar­dyń is-qımylyn jiti qadaǵalap otyrdyq. Sizder saıysqa belsene atsalystyńyzdar, áskerı ispen, Qarýly Kúshterdiń ta­rı­hymen etene jaqyn bol­dyńyz­dar, ózderińizdiń jetis­tik­terińizdi, bilimderińiz ben she­ber­likterińizdi pash ettińizder, jańa dostar taptyńyzdar, saıys­ta myqtylyqtaryńyzdy synap kórdińizder. Osy jıynda biz elimizde biryńǵaı dıalog alańyn jáne barlyq áskerı-patrıottyq jumystyń ortalyǵyna aınalǵan «Jas sarbaz» respýblıkalyq jasóspirimder áskerı-pat­rıot­tyq qozǵalysynyń irge­ta­syn qaladyq. Sizderdi júl­deli oryndaryńyzben shyn júrek­ten quttyqtaımyz, – dedi ge­ne­ral-maıor M.Talasov qatysý­shy­lar­dyń aldynda sóılegen sózinde.

Jıyn qorytyndysy bo­ıynsha áskerı-patrıottyq klýbtar arasynda birinshi oryndy B.Momyshuly atyndaǵy «Jas ulan» respýblıkalyq mektebiniń komandasy, ekinshi oryndy Sh.Ýálıhanov atyndaǵy er balalarǵa arnalǵan «Jas ulan» mamandandyrylǵan mektebi (Semeı) jáne úshinshi oryndy S.Raqymov atyndaǵy «Jas ulan» respýblıkalyq mektebi (Shymkent) jeńip aldy.

Sonymen qatar Qazaqstan Qarýly Kúshteri men basqa da áskerı quralymdardyń áskerı-patrıottyq klýbtary arasynda «Shyǵys» áskerı-patrıottyq klýby birinshi oryndy, «Jas qyran» áskerı-patrıottyq klý­bynyń komandasy (Otar) ekinshi oryndy jáne «Jas desantshy» (Saryózek) áskerı-patrıottyq klýby úshinshi oryndy enshiledi.

О́ńirlerdiń áskerı-patrıot­tyq klýbtary arasynda «Qaı­sar» (Pavlodar) komandasy bi­rin­shi oryndy, «Jiger» (BQO) ekin­shi oryndy jáne «Jas búr­kit» (Astana) úshinshi oryndy ıe­lendi.

Jıyn qorytyndylary bo­ıyn­sha «Aıbyny asqaq jas sar­baz» júldesi Bekzathan Qal­­­myr­zaevqa («Qyzylorda aı­byn­dary» ÁPK) tabys etildi. Al klýbtar arasynan «Qaı­sar» (Pavlodar) áskerı-pat­rıot­tyq klýby atalymynda bas júlde ıegeri atandy. Jal­py komandalyq jáne jeke esep­ter­degi jeńimpazdar gramotalar, medaldar, kýboktarmen marapattaldy. Oǵan qosa ás­kerı-patrıottyq jıynnyń bar­lyq qatysýshysyna sertıfıkat­tar men estelik syılyqtar tabys etildi.

Esterińizge sala ketsek, bıyl jıynnyń baǵdarla­ma­sy aıasynda «Uly dala ás­keri – «Máńgilik el» tiregi!» atty Qarýly Kúshter túrleri­niń ókil­derimen kezdesýi, «Aı­byn da­ryny» zııatkerlik oıy­ny, robot tehnıkasy boıynsha «Meniń robotym» baıqaýy, «Aıbyn jalyny» alaýy­nyń mańyndaǵy qyzyqqa toly kesh, «Qazaqstannyń 100 jańa tul­ǵasy» jobasynyń jeńimpaz­dary­men kezdesý, sondaı-aq «Aı­byn daýysy» mega art-festıvali ótken bolatyn. 

Sondaı-aq baǵdarlamada sport­tyń áskerı-qoldanbaly túr­leri men jaýyngerlik daıar­lyq pánderi boıynsha kóptegen ás­kerı-qoldanbaly saıystar erek­she qyzyǵýshylyqqa ıe boldy.

Serik ÁBDIBEK,

«Egemen Qazaqstan»