Oblystyq ındýstrııalyq-ınnovasııalyq damý basqarmasynyń málimetinshe,bıyl jalpy quny 122,9 mlrd teńgeni quraıtyn jobalar júzege asqanda, 1171 jańa jumys orny paıda bolmaq.
Jobalardyń arasynda birinshi kezekte Aqsýdaǵy «Eýroazıattyq energetıkalyq korporasııasy» AQ-nyń sıkldy-aǵymdy ken arshý kesheni, Ekibastuzdaǵy «Prommashkomplekt» JShS-niń temirjolǵa arnalǵan dóńgelekter óndirisi, Aqsý ferroqorytpa zaýytynda quny 64 mlrd teńgeni quraıtyn №6 balqytý sehynyń jańǵyrtý jobasy júzege asyrylady. № 64 peshti jóndeýge 21 mlrd teńge jumsalǵan.
Qyrkúıek aıynda «Eýroazıattyq energetıkalyq korporasııasy» AQ quny 55,2 mlrd turatyn № 5 energoblokty qaıta qurýdy aıaqtaıdy. Al ekinshi kezekte «Pavlodar» arnaıy ekonomıkalyq aýmaǵynda qospaly alıýmınıı óndiretin «Giessenhaus» JShS men avtokólik óndirisi úshin alıýmınıı dıskilerin shyǵaratyn «KıK Pavlodar» JShS alıýmınıı klasterin damytýǵa negiz bolýda. Qazir aımaqta júzege asyrylyp jatqan 10 joba bar.
Kásipkerlerge jeńildikter usynylǵan. О́ndiristik aımaqty tıimdi paıdalaný maqsatynda basymdyq alǵan jobalardyń aıasyn keńeıtý jumystary júrgizilýde. Infraqurylymdy jasaý jasaýǵa múmkindik týady. Bıylǵy jyldyń bes aıy ishinde óńirdegi qaıta óńdeý ónerkásibiniń negizgi kapıtalyna quıylǵan ınvestısııa 19,2 mlrd teńgeni quraǵan.
Farıda BYQAI
«Egemen Qazaqstan»
PAVLODAR
Sýretti túsirgen: Valerıı Býgaev