Taıaýda Qabanbaı batyr aýylynda keramıkalyq kirpish shyǵaratyn jańa zaýyt iske qosyldy. Ashylǵan jańa nysannyń aýdan áleýetin arttyrýǵa septigi mol.
Kúıdirilgen balshyqtan kirpish, basqa da sapaly qurylys materıaldaryn óndiretin «Boshan» jaýapkershiligi shekteýli seriktestigi 2008 jyldan beri jumys istep kelgen bolatyn. Memleket basshysynyń Qazaqstan halqyna arnaǵan «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýyn iske asyrý jáne básekege qabiletti kásiporyn qurý maqsatynda «Astana Ceramics» jaýapkershiligi shekteýli seriktestigi óndiris ornyn modernızasııalaýdy, sóıtip zaımdyq qarajat pen memlekettiń qoldaýyna arqa súıep, jańa tehnologııa boıynsha ónim shyǵarýdy qarastyra bastady. «Bıznestiń jol kartasy-2020» baǵdarlamasy boıynsha alǵan 2,5 mıllıard teńgeniń sýbsıdııasy zaýyt jumysyna jańasha serpin berdi. Jobany iske asyrýǵa úsh jyl ýaqyt jumsalǵan.
О́ndiriste Ispanııanyń osy zamanǵy ozyq tehnologııasy qoldanylýda. Jobanyń jalpy quny 3,8 mıllıard teńge. Jylyna 3 mıllıon dana kirpish shyǵarýǵa múmkindikteri bar. Zaýytta búginde 50 adam jumysqa ornalasyp, eńbek etýde. Aı saıyn turaqty jalaqy berip, jergilikti halyqty jumyspen qamtamasyz etip otyrǵan jańa jobanyń aýdandaǵy turǵyn úı qurylysyn óristetýge septigi mol bolmaq.
Baıqal BAIÁDIL,
«Egemen Qazaqstan»
Aqmola oblysy
Selınograd aýdany