Astana Hub IT- startaptar halyqaralyq tehnoparkiniń bazasynda akselerasııa baǵdarlamasynyń ekinshi tolqyny iske qosyldy.
14 startap-komandalar irikteýden ótip, startaptardy damytýdyń qarqyndy baǵdarlamasyna qatysýshy retinde tirkeldi. Astana Hub akseleratory - ol startaptardy damytýdyń úsh aılyq aqysyz qarqyndy baǵdarlamasy. Akselerasııa kómegimen komandalar klıentter men seriktester jáne ınvestorlar úshin tartymdy tıimdi ári aýqymdy bıznesti qurady.
Qatysýshylar EKSPO aýmaǵynda tegin jumys keńistigin ıelenip, startap dıagnostıkasy, bıznes-prosesterdi retke keltirý, ınvestısııalar men jobalardy jyldamdatyp damytý qyzmetterimen qamtylady. Iriktelgen 11 startap Qazaqstannan bolsa, qalǵan komandalar Tájikstan, О́zbekstan jáne Reseıden kelgender. Astana Hub komandalarǵa birqatar qolaıly tetikterdi usynady. Osy oraıda trekıng, bilim men konsaltıng, startaptar aýksıony, PR, sondaı-aq korporasııalar men memlekettik organdarǵa baılanysqa shyǵý múmkindigi eskerilgen. Esterińizge sala keteıik, bıyl aqpanda Astana Hub tehnoparki bazasynda akselerasııanyń birinshi baǵdarlamasy bastaldy. Baǵdarlama qorytyndysy boıynsha qazaqsatandyq 10 IT-startap iske qosyldy. Olar akselerasııanyń úsh aıynda 28 mln teńge somasynda alǵashqy ınvestısııalardy tartyp, ózderiniń bıznes-modelin damytýdyń jańa deńgeıine shyǵardy.