Búgin Úkimet úıinde Premer-Mınıstri Baqytjan Saǵyntaev Amerıka Saýda Palatasynyń atqarýshy dırektory Dorıs Bredberımen kezdesý ótkizdi.
Kezdesý barysynda zııatkerlik menshikti qorǵaýdyń ózekti máseleleri talqylandy. Atap aıtqanda, zııatkerlik menshik salasyndaǵy quqyq buzýshylyqtar men qylmystardy anyqtaý jáne tyıý máseleleri boıynsha usynystar ázirleý jónindegi vedomstvoaralyq jumys toby jumysynyń nátıjeleri qaraldy. Dári-dármekterdi tirkeý kezinde «patenttik baılanystyrý» prınsıpin qoldaný, AT-sheshimderin patentteý, avtorlyq jáne sabaqtas quqyqtardy ujymdyq basqarý júıesin jetildirý, sondaı-aq zııatkerlik menshik nysandarynyń quqyqtaryn qorǵaý máseleleri talqylandy.
Zııatkerlik menshik salasyndaǵy quqyq buzýshylyqtar men qylmystardy anyqtaý jáne tyıý máseleleri boıynsha usynystar ázirleý jónindegi jumys toby 2014 jyly qurylǵan.
Jumys tobynyń quramyna múddeli memlekettik organdardyń, «Atameken» Ulttyq kásipkerler palatasynyń ókilderi, Qazaqstandaǵy Amerıka saýda palatasynyń atynan Investısııalyq ahýaldy jaqsartý jónindegi keńestiń músheleri, sondaı-aq Qazaqstan men Túrkııa bıznesmenderi qoǵamynyń, baǵdarlamalyq qamsyzdandyrý, kosmetıkalyq jáne farmasevtıkalyq ındýstrııa salasyndaǵy sheteldik quqyq ıeleri kompanııalarynyń ókilderi kirdi.
Jumys toby qurylǵan sátten bastap ASP jáne Almaty qalasynan sheteldik quqyq ıeleri kompanııalarynyń ókilderiniń qosylýymen beınekonferensııa baılanysy formatynda 10 otyrys ótkizildi.