Búgin Kaspıı sammıtinde bes eldiń arasynda birqatar qujattarǵa qol qoıyldy.
Kaspıı teńizinde brokonerlikpen kúres salasynda yntymaqtastyq týraly hattama bekitildi. Bul qujatqa Qazaqstan tarapynan QR Syrtqy ister mınıstri Qaırat Ábrirahmanov qol qoıdy.
Ekinshi qujatty, Kaspıı teńizinde uıymdasqan qylmyspen kúres salasyndaǵy yntymaqtastyq týraly hattamany bes eldiń ishki ister mınıstrleri bekitti.
Bes eldiń ókilderi Shekaralyq vedomstvolardyń yntymaqtastyǵy men ózara is-qımyly týraly hattamaǵa qol qoıdy. Kaspıı mańy memleketteriniń úkimetteri arasynda saýda-ekonomıkalyq yntymaqtastyq týraly kelisim jasaldy.
Qol qoıylǵan kelesi kelisim Kaspıı mańy memleketteriniń úkimetteri arasyndaǵy kólik salasy boıynsha yntymaqtastyqqa arnaldy. Sonymen qatar, Kaspıı teńizinde janjaldardy boldyrmaý jónindegi kelisim bekitildi. Osy qujatqa Qazaqstan jaǵynan QR Qorǵanys mınıstri Nurlan Ermekbaev qol qoıdy.