«Altyn Tobylǵy» («Zolotaıa Tavolga») ádebıet júldesine ótinim qabyldanyp jatyr.
Syıaqy qorynyń jıyntyq mólsheri 5,5 mıllıon teńgeni quraıdy. О́tinimder 2018 jylǵy 1 shildeden bastap 1 qarashaǵa deıin qabyldanady. Jeńimpazdar osy jyly jeltoqsannyń birinshi onkúndiginde jarııalanady.
Konkýrstyń quryltaıshysy jáne uıymdastyrýshysy - Qazaqstan Respýblıkasy Tuńǵysh Prezıdenti - Elbasynyń Qory. Konkýrstyń áriptesteri: Qazaqstan Jazýshylar Odaǵy jáne Memlekettik tildi damytý qory.
«Úzdik proza», «Úzdik poezııa», «Úzdik dramatýrgııa», «Balalarǵa arnalǵan úzdik shyǵarma» sııaqty úsh atalymda ótetin konkýrsqa 18 ben 35 jas aralyǵyndaǵy jas qazaqstandyq avtorlar qatysa alady. Buryn esh jerde jarııalanbaǵan eńbekter ǵana qaralady. Osy tórt nomınasııa boıynsha árbir jeńimpazǵa 1,5 mıllıon teńge beriledi. Bıyl «Astananyń 20 jyldyǵyna arnalǵan úzdik shyǵarma» arnaıy taqyryptyq nomınasııasy qosylyp otyr.
Konkýrstyq jumystar mynadaı ólshemder boıynsha baǵalanady:
Janrǵa sáıkestigi, ózindik oılaý qabileti, avtorlyq ustanymy, baıandaý birizdiligi jáne kózqarasy, ıdeıanyń sonylyǵy, ádebı-kórkemdik qundylyǵy, qııaly men shyǵarmashylyq ádisi, emosııalyq jáne estetıkalyq áseriniń tereńdigi. Konkýrsqa túsken shyǵarmany obektıvti baǵalaý anonımdik prınsıppen qamtamasyz etiledi, eńbekti oqyp otyryp jáne ol týraly óziniń kásibı pikirin qalyptastyra kele qazylar alqasynyń músheleri avtordyń esimin tanyp bilmeıdi.
«Altyn Tobylǵy» júldesi jyl saıyn Qazaqstan ádebıetindegi jańa esimderdi ashady, jastar men qaýymdastyqqa jas qalamgerlerdiń ómirlik fılosofııasyn beıneleıtin qazirgi zamanǵy ádebıetti damytýǵa kómektesedi. Osyndaı biregeı is-shara Prezıdenttiń «Bolashaqqa baǵdar: rýhanı jańǵyrý» strategııalyq baǵdarlamasyn iske asyrýǵa yqpal etedi.
Tolyǵyraq uıymdastyrýshy Qazaqstan Respýblıkasy Tuńǵysh Prezıdenti – Elbasynyń Qory saıtynan bilýge bolady.