QR Premer-Mınıstriniń tóraǵalyǵymen ótken Úkimet otyrysynda energetıka mınıstri Q.Bozymbaev pen ınvestısııalar jáne damý mınıstri J.Qasymbek jylytý maýsymyna daıyndyq barysy týraly baıandady, dep habarlaıdy QR Premer-mınıstrliginiń baspasóz qyzmeti.
Energetıka mınıstrliginiń derekterine sáıkes, jalpy energııa kásiporyndarynyń kúzgi-qysqy kezeńge daıyndyǵy uıymdastyrylǵan túrde, kestege sáıkes ótýde.
«2018/19 jyldardaǵy jylytý kezeńin turaqty ótkizý úshin Investısııalar jáne damý mınıstrligimen birlesken buıryqpen jylytý maýsymyna daıyndyq, ótkizý, elektr stansııalary men kommýnaldyq–turmystyq sektorlardy jáne halyqty kómirmen qamtamasyz etýge monıtorıng jasaý jónindegi shtab quryldy. Shtab quramyna mınıstrlikterdiń jáne ákimdikterdiń jaýapty qyzmetkerleri kirdi. О́tken aptada oblystarmen selektorlyq keńes ótkizilip, tıisti máseleler qaraldy», dedi mınıstr Q. Bozymbaev.
Q. Bozymbaevtyń aıtýynsha, búginde 4 energobloktyń jóndeý jumystary aıaqtaldy. Bul jyldyq kólemniń 50% quraıdy. Sonymen qatar, 20 qazandyq jóndeldi. Bul jyldyq kólemniń 36% quraıdy. Sondaı-aq, 20 týrbına nemese jyldyq kólemniń 44% qaıta jóndeýden ótti. Qazirgi tańda ár túrli deńgede 4 energoblokta, 31 qazanda jáne 25 týrbınada jóndeý jumystary júrgizilýde.
21 myń km elektr jelileri jóndelgen, bul jyldyq jospardyń 75% jáne 497 qosalqy stansııalar jóndeldi, bul jyldyq jospardyń 77% quraıdy. Ortalyqtandyrylǵan jylýmen jabdyqtaý aımaǵyndaǵy 568 qazandyqtyń 413-shi jóndelgen.
Sonymen qatar, elektr stansııalarynda 2,8 mln tonna kómir jáne 81 myń tonna mazýt qory ázirlendi.
«Ortalyqtandyrylǵan jylýmen qamtamasyz etý aımaǵyndaǵy qazandyqtarda 979 myń tonna kómir jınaqtalǵan, nemese jospardyń 66% jáne 32 myń tonna mazýt jınaqtalǵan, bul jospardyń 22% quraıdy», dedi Q. Bozymbaev.
Sondaı-aq, energetıka mınıstri qysqy maksımaldy júkteme 14 800 MVt kóleminde bolady dep kútiletinin aıtty. Bul ótken jylmen salystyrǵanda 185 MVt-qa joǵary.
О́z kezeginde ınvestısııalar jáne damý mınıstri J. Qasymbek osy jyldyń 7 aıynda 60 mln tonna kómir óndirilgenin, bul ótken jyldyń sáıkes kezeńimen salystyrǵanda 103,9%-dy quraıtynyn nemese 2,3 mln tonnaǵa artyq ekenin jetkizdi.
QR IDM derekteri boıynsha, qurylǵan Shtab aıasynda kúndelikti kúzgi-qysqy kezeńniń daıyndyǵy men ótýine, elimizdiń elektr stansııalaryndaǵy normatıvtik otyn qoryn jınaýǵa monıtorıng júrgiziledi.
«2018–2019 jyldar kezeńinde turǵyndarǵa, kommýnaldyq-turmystyq kásiporyndarǵa jáne bıýdjettik uıymdarǵa respýblıka boıynsha kómir jetkizýdiń jalpy suranysy 9,8 mln tonnany quraıdy, onyń 2,3 mln tonnasy kommýnaldyq-turmystyq kásiporyndar men bıýdjettik uıymdarǵa, al 7,5 mln tonnasy turǵyndardyń tutynýyna josparlanǵan», dedi J.Qasymbek.
Bıyl jylý berý maýsymyna daıyndyq bastalǵaly (1 mamyrdan 16 tamyzǵa deıin) temir jol kóligimen 18 621,2 myń tonna kómir tasymaldandy. Bul 2017 jyldyń sáıkes kezeńimen salystyrǵanda 753,9 myń tonnaǵa (4,2%-ǵa) artyq.
«Tasymaldanǵan 18,6 mln tonna kómirdiń 2,8 mln tonnasy – kommýnaldyq-turmystyq qajettilikke tıesili. Ol 2017 jyldyń sáıkes kezeńimen salystyrǵanda 600 myń tonnaǵa artyq. Jalpy respýblıkaishilik qatynasta kómir tıeý 91% oryndaldy. Qazirgi tańda tasymaldaýǵa QTJ parkiniń shamamen 9 myń vagony jumyldyrylǵan. Tasymaldaý kólemi ulǵaıǵan jaǵdaıda basqa temirjol ákimshilikterinen 1000 vagon tartylatyn bolady», dep J. Qasymbek, QR IDM «QTJ» UK» AQ-men birlese otyryp, ishki baılanysty kómir tıeýmen qamtamasyz etý boıynsha jumys júrgizip jatqatyn aıtty.
Budan ózge, turǵyn úı–kommýnaldyq sharýashylyq nysandaryn aldaǵy jylý berý maýsymyna daıyndaý aıasynda 2018-2019 jyldarǵa arnalǵan jumys jospary bekitildi. Josparǵa sáıkes oblystardyń, Astana men Almaty qalalarynyń ákimdikterine 1 qyrkúıekke qaraı bilim berý nysandarynyń 100% daıyndyǵyn qamtamasyz etý, 15 qazanǵa deıin barlyq nysandardyń daıyndyǵyn aıaqtaý, onyń ishinde, avtonomdyq qazandyq jáne ınjenerlik jeliler, sonymen qatar, barlyq avtonomdyq jylytý kózderin otynnyń normatıvtik qorymen qamtamasyz etý qajet.
«Qazirgi tańda jergilikti atqarýshy organdardyń derekteri boıynsha 10 232 bilim berý nysany nemese jospardyń 94%-y daıyn. 6 298 densaýlyq saqtaý nysanyn daıyndaý josparlanǵan bolatyn. Qazir 5 971 nysan nemese 95% daıyn. Jóndeýge josparlanǵan 45 503 turǵyn úıdiń 35 551 nemese 79% jóndeldi», dedi J. Qasymbek.
Ákimdikter 10 558 avtonomdyq qazandyqty jóndeýdi josparlaǵan bolatyn. Qazirgi ýaqytta 9 521 (91%) qazandyq daıyn. Josparlanǵan 5 661,8 km sýmen jabdyqtaý jelileriniń 4 394,5 km nemese 78 % jóndeldi.
Avtonomdy qazandyqtarǵa aldaǵy jylý berý maýsymyna otynnyń qajettiligi — 1 852 myń tonna kómir jáne 168 myń tonna mazýt.
«Jalpy jylý berý maýsymyna daıyndyq bekitilgen josparǵa sáıkes júrgizilýde jáne turaqty baqylaýǵa alynǵan. Jylý berý maýsymynyń bastalýyna barlyq turǵyn úı-kommýnaldyq sharýashylyq jáne áleýmettik sala nysandarynyń daıyndyǵyn aıaqtaý kerek. Sonymen qatar, avtonomdyq qazandyqtardy qajetti otyn qorymen qamtamasyz ete otyryp, oblystardyń jáne Astana, Almaty qalalarynyń ákimdikterine jylý berý maýsymyna daıyndyq máselelerin turaqty baqylaýda ustaý qajet», dedi J. Qasymbek.
О́ńirlerdegi jylytý maýsymyna daıyndyq týraly Aqmola oblysynyń ákimi M. Myrzalın, Aqtóbe oblysynyń ákimi B. Saparbaev, Qostanaı oblysynyń ákimi A. Muhambetov, Pavlodar oblysynyń ákimi B. Baqaýov, Soltústik Qazaqstan oblysynyń ákimi Q. Aqsaqalov, Astana ákimi Á. Isekeshev, sondaı-aq Shyǵys Qazaqstan oblysy ákiminiń orynbasary E. Aımuqashev, Qaraǵandy oblysy ákiminiń orynbasary A. Aıdarov baıandady.
Máseleni qaraý qorytyndysy boıynsha Premer-Mınıstr Baqytjan Saǵyntaev jylytý maýsymyna daıyndyq jumystary jalpy júrgizilip jatqanyn, alaıda jumys qarqynyn kúsheıtý qajettigin aıtty.
«Ákimderge áleýmettik sala obektileri men turǵyn úılerdi jylýmen, energııamen ýaqytyly jáne sapaly qamtamasyz etýge sizderdiń jaýapty ekenderińizdi esterińizge salamyn. Tutynýshylardy, ásirese, halyqty kómirmen qamtamasyz etýge erekshe nazar aýdarý qajet», dedi B. Saǵyntaev.
Úkimet ishki naryqty kómirmen úzdiksiz jabdyqtaý úshin barlyq qajetti sharalardy qabyldady. Sondaı-aq, vagon tapshylyǵy boıynsha máseleler sheshildi, búgingi kúni kómirdi jóneltýge qatysty problemalar joq.
«Halyqty sapaly kómirmen qajetti kólemde ýaqytyly qamtamasyz etý jáne oǵan baǵa belgileýge óńirlerdiń ákimderi tikeleı jaýapty. Kómirdiń ishki naryǵynda ótken jylǵydaı jaǵdaıǵa jol bermeý úshin óńirler ákimderi eki apta merzimde kómirdi daıarlaý jáne satý pýnktteriniń jaı-kúıine, kómirdi jetkizý kestelerine, kómir baǵasynyń negizdiligi men sapasyna tekserý júrgizýi kerek. Qajet bolǵan jaǵdaıda bul jumysqa ortalyq memlekettik organdardyń tıisti aýmaqtyq bólimsheleri men "Atameken" UKP ókilderin qatystyrý qajet», dep túıindedi B.Saǵyntaev.
Baqylaý jumystary QR Premer-Mınıstriniń birinshi orynbasary Asqar Mamınge júkteldi.