Ortalyq Azııa elderine Aýǵanstannan tónetin terrorıstik qaýip-qaterler ulǵaıýy osy elge Sırııa jáne Iraktan sheteldik terrorısterdiń qonys aýdarýymen baılanysty. Bul týraly BUU Bas hatshysynyń orynbasary Vladımır Voronkov BUU Qaýipsizdik Keńesiniń «Terrorıstik aktilerden halyqaralyq beıbitshilikke tóndiretin qaýipter» atty otyrysynda óz sózinde atap ótti, dep habarlady Qazaqstan Respýblıkasy Syrtqy ister mınıstrliginiń baspasóz habarlamasy
V. Voronkov BUU Qaýipsizdik Keńesiniń múshelerine BUU Bas hatshysy Antonıý Gýterrıshtiń ILIM/DAISh terrorıstik uıymynan halyqaralyq beıbitshilikke jáne qaýipsizdikke qaýip-qaterleri jáne BUU-nyń múshe-memleketterge osy qaýip-qaterlerine qarsy áreketterge kórsetip jatqan qoldaýlary týraly 7-shi baıandamasyn usyndy.
Otyrys barysynda Qazaqstannyń BUU janyndaǵy Turaqty ókili Qaırat Omarov terrorızmge qarsy kúres úshin halyqaralyq, óńirlik jáne ulttyq deńgeıde kúsh-jigerlerdi biriktirýge shaqyryp, basym maqsaty retinde jastar arasynda terrorızmdi jáne ekstremızmdi taratýdyń aldyn alýdy atady.
Q.Omarov, sondaı-aq Qazaqstannyń birqatar naqty usynystaryn atap ótti. Olardyń ishinde Memleket basshysy bastamashylyq etken atalǵan qaýip-qatermen kúresý úshin BUU-ǵa múshe memleketterdiń kópjaqty saıası mindettemesi retindegi «Terrorızmnen erkin beıbit álemge qol jetkizý úshin áreket kodeksin» qabyldaý isi bar.
Sonymen qatar esirtkiniń zańsyz aınalymy, tabıǵı resýrstar men mádenı artefaktilerdi zańsyz satýǵa, sondaı-aq terrorızmdi qarjylandyrýdyń negizgi kózderi bolyp tabylatyn jańa tehnologııalar men tólem ádisterin qatań baqylaý men jolyn kesýge erekshe nazar aýdaryldy.
Aımaqtyq jáne halyqaralyq derek qorlary arasynda terrorısterge qatysty bıometrııalyq aqparattarmen almasýdy kúsheıtý qajettiligi aıtyldy. Bul óz jaǵynan destrýktıvti toptar men jeke tulǵalar týraly ýaqtyly aqparat alýǵa, sondaı-aq ınternet jelisindegi terrorıstik ıdeıalardy taratýyn aldyn alýdyń mańyzdylyǵy basa atap ótildi.
Qazaqstannyń Turaqty ókili, sondaı-aq terrorıstik qaýip-qater deńgeıi joǵary elderde turaqty ekonomıkalyq damýyna jáne terrorıstik áreketine qatystyrýǵa balama retinde eń aldymen jastardy jumys oryndarmen qamtamasyz etý qajettiligine nazar aýdardy.