Bıyl Aqtóbe oblysynda 15 jańa mekteptiń qurylysy aıaqtalady. Sonyń ishinde 8 bilim shańyraǵynyń saltanatty túrde ashylý rásimi 1 qyrkúıek – Bilim kúnine tuspa-tus kelip otyr. Al qalǵan jeti mektep budan keıingi kezeńde jyl aıaǵyna deıin paıdalanýǵa berilmek.
Tutastaı alǵanda bıyl Aqtóbe aımaǵynda 26 mekteptiń qurylysy qyzý ári toqtaýsyz júrgizilýde. Atalǵan bilim berý nysandary tolyqtaı iske qosylǵan kezde on myńnan astam oqýshynyń jańa bilim berý standarttaryna saı zamanaýı qural-jaıýdyqtarmen jabdyqtalǵan sáýletti orynda bilim alýyna múmkindikter týmaq. Sonymen birge óńirde mektep ǵımarattaryna jasalatyn jaı jáne kúrdeli jóndeý jumystary buryn-sońdy bolmaǵan deńgeıde tyń serpin aldy. Jetpiske tarta bilim nysandary jańa oqý jylyna deıin qaıtadan jańǵyrtylǵany aldyńǵy pikirimizdiń aıǵaǵy. Buǵan jumsalǵan qarajat mólsheri 2 mıllıard teńgege jýyq.
Jalpy bilim berý mekemelerin jańa oqý jylyna ázirleý tek biryńǵaı jańa mektep ǵımarattaryn paıdalanýǵa berýmen, nemese oǵan kúrdeli jóndeýler júrgizýmen shektelmeıdi. Bl keshendi ári úzdiksiz úderis. Osy oraıda 2018-2019 oqý jylynda mektep oqýshylary paıdaanýǵa qajetti oqýlyqtardy jetkizý isi de belgilengen kestege saı retin tapty. Ári mektepterdiń materıaldyq-tehnıkalyq bazasyn odan ári jańǵyrtý baǵytanda da qolda bar barlyq múmkindikter men áleýetter qarastyryldy. Buǵan qosa oblystaǵy barlyq bilim berý mekemelerin sporttyq qural-jabdyqtarmen qamtý jóninde qajetti sheshimder alynǵan. Bul jóninde gazet tilshisine Aqtóbe oblystyq bilim basqarmasynyń basshysy Lázzat Orazbaeva aıtyp berdi.
Temir Qusaıyn,
«Egemen Qazaqstan»
AQTО́BE