Jańa oqý jyly qarsańynda «О́rleý» BAUO» AQ fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýty men «Nur Otan» partııasynyń Áýezov aýdandyq fılıaly birlesip «Baqytty otbasy – baqytty balalyq shaq» partııalyq jobasy aıasynda «Mektepke jol» atty dástúrli qaıyrymdylyq is-sharasyn ótkizdi.
«О́rleý» BAUO» AQ fılıaly Almaty qalasy boıynsha PQBAI dırektory, p.ǵ.d. Raısa Sadvakasova qaıyrymdylyq is-sharasyna qatysýshylardy jańa oqý jylymen quttyqtap, izgi tilegin bildirdi. Elimizde jetkinshekterdiń sapaly bilim, sanaly tárbıe alýy úshin barlyq jaǵdaı jasalǵandyǵyn atap ótti. «Sizder – táýelsiz elimizdiń bolashaǵysyzdar, sondyqtan da sizderge úlken jaýapkershilik júkteledi. Sol mindetti abyroımen oryndap, Qazaqstannyń aıbynyn asqaqtatatyn azamaty bolý úshin birinshi kezekte jaqsy oqyńyzdar», – dedi R.Sadvakasova.
Sóz kezeginde «Nur Otan» partııasy Áýezov aýdandyq fılıaly tóraǵasynyń birinshi orynbasary Naılıa Ordabaeva jıynǵa qatysýshylardy bastalýyna birneshe kún qalǵan jańa oqý jylymen quttyqtap, Áýezov aýdany mektepterinen kelgen 12 oqýshyǵa rıýkzaktar men mektepke qajetti kerek-jaraqtaryn tabystady. Ol ósip kele jatqan urpaqqa jan-jaqty kómek kórsetý jáne qoldaý – «Nur Otan» partııasynyń eń basty mindetteriniń biri ekenin atap ótti.
«О́rleý» BAUO» AQ fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýty men «Nur Otan» partııasynyń Áýezov aýdandyq fılıaly birlesip ótkizgen qaırymdylyq is-sharasy Táýelsiz Qazaqstannyń bolashaq urpaǵyna patrıottyq tárbıe berýge baǵyttalǵan.
Elvıra Serikqyzy,
«Egemen Qazaqstan»
ALMATY