Nıý-Iorkte júlde qory 25 282 400 dollardy quraıtyn «Úlken dýylǵa» sanatyndaǵy týrnırlerdiń biri ári biregeıi – AQSh-tyń ashyq birinshiligi bastaldy.
Jarystyń alǵashqy kúni sensasııalyq nátıje tirkeldi. Áıelder arasyndaǵy álemniń birinshi raketkasy Sımona Halep WTA reıtınginde 44 orynda turǵan estonııalyq Kaııa Kanepıden 2:6, 4:6 esebimen oıda-joqta utylyp qaldy. Sol sekildi Polshanyń ataqty tennısshisi Agneshka Radvanska da sátsizdikke ushyrady. Ol germanııalyq Tatıana Marııaǵa ese jiberdi. Al Serena men Vınýs Ýılıams, Garbıne Mýgýrýsa, Lıýsı Shafarjova, Elına Svıtolına syndy myqtylar kelesi kezeńge esh qınalmaı-aq ótti.
О́kinshike qaraı, qazaqstandyq Zarına Dıas álemdik reıtıngte 8 orynda turǵan Chehııanyń ataqty oıynshysy Karolına Plıshkovaǵa 4:6, 6:7 esebimen utylyp qaldy. Desek te jarys jolynda áli eki jerlesimiz bar. Búgin Iýlııa Pýtınseva amerıkalyq Bernard Peramen, al Mıhaıl Kýkýshkın AQSh-tyń taǵy bir ókili Noa Rýbınmen kúsh synasady.
Ǵalym SÚLEIMEN,
«Egemen Qazaqstan»