Ǵ.Baıtasov atyndaǵy 18-shi respýblıkalyq qozǵalystyń jas ınspektorlary sleti aıaqtaldy. Sharany Qyzylorda oblysynyń IID men Qyzylorda oblysynyń ákimdiginiń qoldaýymen QR IIM Ákimshilik polısııa komıteti uıymdastyrdy. Slet «Araı Sunrise» balalar lageriniń kesheninde ótti (Qyzylorda q.),-dep xabarlaıdy QR IIM Ákimshilik polısııa komıtetiniń baspasóz qyzmeti.
"Mundaı forým óńirlik jarys jeńimpazdarynyń qatysýymen 2001 jyldan beri jyl saıyn ótedi. Bıylǵy slet QJI qozǵalysynyń 45-jyldyǵyna arnaldy",-dedi QR IIM ÁPK-niń resmı ókili. Jarysqa respýblıka boıynsha 16 komanda qatysty. Sondaı-aq TMD elderiniń Belarýs, Qyrǵyz Respýblıkasy jáne Reseı Federasııa sekildi elderi bólek komanda retinde qatysty.
Jarys 8 saıystan quraldy: «Sapty qaraý», «Jas retteýshi», «JQE bilgirleri», «Jas sanıtar», «Bilimdiler týrnıri», «Agıtbrıgad baıqaýy», sondaı-aq velosıpedti mánerlep júrgizý jáne avtoqalashyqta velosıpedti júrgizý boıynsha jarystar. Sondaı-aq, polısııa qyzmetkerleri men bilim berý salasy mamandarynyń arasynda da jarys ótkizildi. Jarystyń eń negizgi bólimderiniń biri - jol qozǵalysy erejesine qatysty bilimderin tekserý boldy. Eresekter jol júrý kýáligin alar kezde oryndaıtyn tapsyrmalarǵa balalar 15 mınýtta jaýap berdi. Bul oıynda Astana komandasy oza shapty, olar birneshe mınýtta tapsyrmany oryndap, joǵary balǵa ıe boldy. Jas ınspektorlar saptyq tekserý kezinde sapta júrý, túrli qımyldardy oryndaý, saltanatty marshtarymen polıseılerdi tań qaldyrdy. Bul saıysta qostanaılyq komanda úzdik atandy.
Velosıpedpen mánerlep júrý jarysynda Belarýsııa jáne Pavlodardan kelgen QJIlyqtar erekshe kózge tústi.
Jyl saıyn erekshe yqylasqa bólenip júrgen agıdbrıgad saıysy. Qatysýshylar 5 mınýttyń ishinde Jol qozǵalysy erejeleri týraly án, taqpaq t.b.shyǵaryp, sol arqyly qazylar alqasy men zaldaǵy qonaqtarǵa jol erejesin saqtaý mańyzdylyǵy týraly oı salý kerek. Respýblıkalyq slet 10 kúnge jalǵasty. Oqýshylar jol polısııasynyń qurylý tarıxy, jol kólik oqıǵasynan keıin alǵashqy kómek kórsetý jáne jol qıylysyndaǵy qozǵalysty retteý mashyqtarymen bólisti.
Sondaı-aq slet barysynda qozǵalystyń jas ınspektorlary úshin mektepterde QJI jasaqtarynyń jumysyn uıymdastyrý, jol kólik apaty kezinde alǵashqy medısınalyq kómek kórsetý, al polısııa qyzmetkerleri úshin TMD elderinen kelgen áriptesteri joldaǵy balalardyń jaraqattanýyn aldyn alý boıynsha tájirıbe almasý semınar-trenıngin ótkizdi.
"Reseıde de jyl saıyn QJI sleti ótkiziledi. Sondaı-aq biz memleketaralyq QJI baıqaýyn uıymdastyramyz. Ol jerde qazaqstandyq komanda jaqsy nátıje kórsetedi",-dedi Reseı Federasııasynyń ókili Sergeı Hanskevıch.
Jalpy respýblıkalyq QJI sletiniń qatysýshylary sapaly daıyndyqtary men konkýrs baǵdarlamasynyń negizgi nomınasııalary boıynsha jaqsy nátıje kórsetti.