Bul týraly búgin Úkimettiń selektorlyq rejimdegi otyrysynan keıin QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat
Úkimet otyrysynda mınıstrler 2019-2023 jyldarǵa arnalǵan Qazaqstannyń áleýmettik-ekonomıkalyq damý boljamyn, sonymen qatar 2019-2021 jyldarǵa arnalǵan respýblıkalyq bıýdjet týraly jáne 2019-2021 jyldarǵa arnalǵan QR Ulttyq qorynan kepildendirigen transfert týraly QR Zańdarynyń jobasyn talqylaǵan edi.
«Taıaý jylǵa munaıdyń bir barrelin 60 dollarmen bekitemiz. О́zderińiz de biletindeı, bizde bul kórsetkish syrǵymaly negizde. Iаǵnı, bul parametrlerdi qaıta qarastyrýǵa múmkindigimiz bar. Baǵamǵa keler bolsaq, biz baǵamdy boljamaımyz... Bıýdjet jobasyn qalyptastyrý úshin qoldanatyn baǵam kelesi jylǵa bir dollar úshin 350 teńge bolady», - dedi ol BAQ ókilderine.
Onyń sózine qaraǵanda, bıýdjette túbegeıli ózgerister bolmaıdy. «Bıýdjet ádettegideı áleýmettik baǵytqa baǵdarlanǵan. Shyǵystardyń basym bóligi árbir qazaqstandyqtyń ómir deńgeıin qoldaýǵa baǵyttalǵan. Bıýdjettiń damý bóligi de bar. Ol agroóenrkásip keshenin, shaǵyn jáne orta bıznesti damytýdy kózdeıtin memlekettik baǵdarlamalarǵa baǵyttalanatyny túsinikti. Iаǵnı, túbegeıli ózgerister bola qoımaıdy», - dedi Tımýr Súleımenov.