Astanadaǵy «Qazaqstan» sport kesheninde órt boldy, dep habarlaıdy QR Ishki ister mınıstrligi Tótenshe jaǵdaılar komıtetiniń baspasóz qyzmeti.
QR Ishki ister mınıstrligi Tótenshe jaǵdaılar komıtetiniń habarlaýynsha, búgin tańǵy saǵat 7:15-de «Qazaqstan» sport kesheninde órt tutandy.
«Úsh qabatty ǵımarattyń birinshe qabatynda jıhazdar jandy. О́rttiń jalpy aýdany 50 sharshy metrdi qurady. Zardap shekkender jáne qurban bolǵandar joq. Aldyn ala málimetke sáıkes, órt elektr symdardyń tuıyqtalýynan shyqqan. 27 mınýttyń ishinde jalyndy tolyǵymen sóndirdik», - dedi komıtettiń resmı ókili Rýslan Imanqulov.
Sondaı-aq 2 qyrkúıekte «Ertis» hokkeı klýbyna qarsy oınaıtyn «Beıbarys» hokkeı klýbynyń barlyq formasy órtenip ketti. Bul týraly kommentator Aleksandr Oleınık Tvıtter paraqshasynda jazdy.