Shýche-Býrabaı kýrorttyq aımaǵynda Burabike-2018 jyl saıynǵy qaıyrymdylyq velosherýi bastaldy.
Burabike-2018 qaıyrymdylyq velosherýi bıyl altynshy ret uıymdastyrylyp otyr. Jyl sanap bul sharaǵa qatysýshylardyń sany artyp keledi. 2013 jyly velotrassaǵa 130-dan astam adam shyqsa, bıylǵy velosherýge 2300 adam shyqqan.
Velosherýge QR Mədenıet jəne sport mınıstri Arystanbek Muhamedıuly, Olımpıada chempıony, veloshabandoz Aleksandr Vınokýrov pen taǵy basqa tanymal sportshylar, iri bıznes ókilderi, saıasatkerler jəne qoǵam qaıratkerleri qatysty.
«Salaýatty ómir saltyn nasıhattaıtyn qaıyrymdylyq sharanyń aıasy jyl sanap keńeıip kele jatqany qýantady. О́z atymnan barlyq qatysýshylarǵa alǵys bildiremin. О́ıtkeni velosherý kómekke muqtaj jandarǵa qol ushyn sozý maqsatynda uıymdastyrylýda. Barsha qatysýshylarǵa səttilik tileımin», - dedi Arystanbek Muhamedıuly.
Qaıyrymdylyq maqsatynda jasalatyn velosherýden túsken qarjy Qazaqstan balalar aýrýhanalaryn medısınalyq jabdyqtarmen jabdyqtaýǵa jumsalady. О́tken jyly qaıyrymdylyq sharasynan 168 mln 429 890 teńge qarajat jınalǵan bolatyn.